لاہور(مانیٹرنگ ڈیسک)امریکی ایف بی آئی کے مطلوب ترین افراد کی فہرست میں شامل منشیات کی دنیا کے ڈان
ایل چاپو ایسدرو کو میکسیکو میں گرفتار کر لیا گیا۔امریکی میڈیا کے مطابق میکسیکو کی ریاست سینالوا کے شہرگواسابے میں فاستو ایسدرو میزا فلورس المعروف ایل چاپو ایسدرو کو میکسیکو کی فوج نے ایک بڑے اور ڈرامائی آپریشن کے بعد گرفتار کیا۔ایل چاپو ایسدرو پر امریکا میں کوکین اور ہیروئن سمیت بھاری مقدار میں منشیات اسمگل کرنے کے الزامات ہیں ۔ ایف بی آئی نے اس کی گرفتاری پر 50 لاکھ ڈالر (تقریبا ایک ارب 40 کروڑ پاکستانی روپے) انعام بھی مقرر کررکھا تھا۔ وہ ایک دہائی سے زائد عرصے تک قانون نافذ کرنے والے اداروں سے بچتا رہا تھا۔کارروائی کے دوران کارٹیل جنگجوں اور سکیورٹی فورسز کے درمیان شدید فائرنگ کا تبادلہ ہوا، گاڑیوں کو آگ لگا دی گئی اور مختلف علاقوں میں خوف و ہراس پھیل گیار دیگرگرفتار افراد کو میکسیکو کی فضائیہ کے طیارے کے ذریعے دارالحکومت میکسیکو سٹی منتقل کیا گیا، جہاں انہیں استغاثہ کے حوالے کر دیا گیا۔
ڈان گرفتار

