نئے گورنر سندھ کی تعیناتی کے فورا ً بعد وفاقی حکومت کیلئے بڑی پریشانی

اسلام آباد(مانیٹر نگ ڈیسک)ذرائع کا کہنا ہے کہ سعید الزماں صدیقی کی بطور گورنر سندھ تعیناتی سے قبل وفاقی حکومت ان کی صحت سے متعلق لاعلم رہی اور انہیں گورنر سندھ تعینات کردیا تاہم ان کی حالیہ فوٹیجز کے منظر عام اور اپوزیشن ارکان کے بیانات سامنے آنے کے بعد حکومتی حلقے پریشانی کا شکار ہوگئے ہیں۔ذرائع کے مطابق حکومتی حلقوں میں تشویش پیدا ہوگئی ہے کہ کیا نئے گورنر اس خراب صحت کے ساتھ اپنی ذمہ داریاں ادا کرسکیں گے؟ حکومتی ذرائع کا کہنا ہے تعیناتی تک بھی وفاقی حکومت کو سعید الزماں کی صحت کے متعلق معلومات حاصل نہ ہوسکیں تھیں ورنہ وفاقی حکومت انہیں گورنر سندھ تعینات نہ کرتی۔ واضح رہے کہ گورنر سندھ کو نامزد کیے جانے کے بعد ان کی تقرری کا باقاعدہ نوٹی فکیشن جاری کردیا گیا ہے، سعید الزماں صدیقی کو آج اپنے عہدے کا باقاعدہ حلف اٹھانا تھا تاہم نامعلوم وجوہات کی بنا پر تقریب حلف برداری ملتوی کردی گئی۔