اسلام آباد(آئی این پی)پاکستان میں امریکی سفیر ڈیوڈ ہیل نے جنرل قمر جاوید باجوہ کی بطور آرمی چیف تقرری کو خوش آئند قرار دیتے ہوئے کہا ہے کہ امریکہ پاکستان کی منتخب اور عسکری قیادت کے ساتھ کام کرتا رہے گا ، ہمسایہ ملکوں کے خلاف اپنی سرزمین استعمال نہ کرنے دینے کے عزم پر امریکہ پاکستان کی مدد کرتا رہے گا۔ اتوار کو اپنے ایک بیان میں امریکی سفیر ڈیوڈ ہیل نے کہا کہ جنرل قمر جاوید باجوہ کی بطور آرمی چیف تقرری خوش آئند ہے ، امریکہ پاکستان کی منتخب اور عسکری قیادت کے ساتھ کام کرتا رہے گا۔انہوں نے کہا کہ ہمسایہ ملکوں کے خلاف سرزمین استعمال نہ کرنے دینے کے عزم پر امریکہ پاکستان کی مدد کرتا رہے گا ۔ امریکی سفیر نے جنرل راحیل شریف کو مدت ملازمت کامیابی سے مکمل کرنے پر مبارکباد بھی دی ۔
