گرین ٹائون ‘عمر چوک میں وکیل کے دفتر میں فائرنگ سے ایک شخص قتل

لاہور (کرائم رپورٹر) گرین ٹائون کے علاقے گرین ٹائون ‘عمر چوک میں وکیل کے دفتر میں فائرنگ سے ایک شخص قتل
عمر چوک میں ایڈووکیٹ کے دفتر میں فائرنگ سے46 سالہ شخص عابد جاں بحق ہو گیا۔ پولیس کے مطابق عابد، جو گرین ٹائون کا رہائشی تھا کسی کام کے سلسلے میں ایڈووکیٹ عرفان کے دفتر آیا تھا جہاں نامعلوم افراد نے اسے فائرنگ کرکے قتل کر دیا۔ واقعے کی اطلاع ملنے پر مقامی پولیس موقع پر پہنچ گئی اور لاش کو تحویل میں لے لیا۔ پولیس نے مقتول کے بھائی راشد اقبال کی مدعیت میں نامعلوم ملزمان کے خلاف مقدمہ درج کر لیا ہے۔ پولیس کا کہنا ہے کہ واقعے کی مزید تحقیقات اور ملزمان کی تلاش جاری ہے۔