سابق امیدوار اسمبلی سرور علوی کا رشید مغل اور دیگر صحافیوں سے اظہار یکجہتی

ٹیکسلا(نمائندہ خصوصی) فیصل ہلز انتظامیہ کی جانب سے صحافیوں پر تشدد کے خلاف مذمت کا سلسلہ جاری ہے مختلف سیاسی شخصیات و شہر بھی کی تنظیموں کے عہدیداران نے ٹی یو جے کے دفتر پہنچ کر واقعہ کی مذمت کی ہے اور صحافی برادری کو یقین دلایا ہے کہ وہ ان کے ساتھ کھڑے ہیں سابق امیدوار قومی و صوبائی اسمبلی سرور علوی بھی گزشتہ روز تحصیل یونین آف جرنلسٹس ٹیکسلا واہ کینٹ کے مرکزی دفتر پہنچے جہاں انہوں نے صدر رشید مغل اور دیگر صحافیوں کے ساتھ بھرپور یکجہتی کا اظہار کیا ہے پریس کانفرنس کرتے ہوئے سرور علوی نے کہا کہ فیصل ہلز انتظامیہ کی جانب سے صحافیوں پر تشدد انتہائی قابل مذمت ہے یہ آزادی صحافت پر حملہ ہے میں اور میرے کارکن رشید مغل اور دیگر صحافیوں کی ایک آواز پر حاضر ہوں گے صحافی اپنی زمہ داریاں نبھاتے ہیں ان پر تشدد کرنا اور انہیں اپنی زمہ داریوں سے روکنا غیر اخلاقی اور غیر قانونی ہے سابق امیدوار قومی و صوبائی اسمبلی سرور علوی نے آء جی پنجاب، آر پی او و سی پی او راولپنڈی سے فوری نوٹس لینے اور مقدمہ درج کرنے کا مطالبہ کیا