پارلیمنٹ میں کتنی حاضری؟, کپتان بول اُٹھے

اسلام آباد(آئی این پی)پاکستان تحریک انصاف کے چیئرمین عمران خان نے کہا ہے کہ میری پارلیمنٹ میں 6فیصد حاضری بھی بہت زیادہ ہے ،میں نے پارلیمنٹ میں صرف وقت ضائع کیا ہے، مسلم لیگ (ن) والوں پر مجھے ترس آتا ہے انہیں ایک جھوٹ چھپانے کے لئے کئی جھوٹ بولنے پڑتے ہیں ، گلف اسٹیل مل اربوں روپے کا نقصان کر رہی تھی تو لندن میں انویسٹمنٹ میں پیسہ کہاں سے آیا ،ان کے حالات مجھے برے نظر آرہے ہیں،عدالت نے کمیشن بنانے کی کوشش کی تو یہ ملک پر ظلم ہوگا ، ڈبل شاہ حکومت کے ساتھ ملے ہوئے تھے ،خورشید شاہ کا نیب میں کیس ہے ، حکومت اسے کیوں نہیں کھول رہی ۔ نجی ٹی وی کو انٹرویو دے رہے تھے ۔انہوں نے کہا کہ ایک جھوٹ چھپانے کے لئے کئی جھوٹ بولنے پڑتے ہیں ،عدالت میں کیس بہت اچھا چل رہا ہے ،گلف اسٹیل مل نقصان کر رہی تھی تو شریف خاندان کے پاس پیسہ کہاںسے آیا ۔عمران خان نے کہا کہ (ن) لیگ والوں پر مجھے ترس آتا ہے ان کے حالات بہت برے نظر آرہے ہیں ،پانامہ کیس پر کمیشن بنانے کی کوشش کرنے والا ملک پر ظلم کر رہا ہے ۔چیئرمین پی ٹی آئی نے کہا کہ ڈبل شاہ حکومت کے ساتھ ملے ہوئے تھے ،خورشید شاہ کا نیب میں کیس پڑا ہے حکومت اسے کیوں نہیں کھول رہی ایسی اپوزیشن سے بہتر ہے اپوزیشن موجود ہی نہ ہو۔انہوں نے کہا کہ حکومت نے ایک آدمی کو بچانے کے لئے پورے ملک کو یرغمال بنایا ہوا ہے ،کمپنیز آرڈیننس بل نوازشریف کو بچانے کے لئے بنایا گیا ہے ،یہ بل پارلیمنٹ میں پاس ہو جائے گا،ہم سینٹ میں اس کی مخالفت کریں گے ،وزیراعظم ایک منصوبے کا تین تین بار افتتاح کر رہے ہیں ۔عمران خان نے کہا کہ ملک میں پیسہ نہیں ہے حکومت قرضے پر قرضے لے رہی ہے ،اپوزیشن کا کام وزیراعظم سے جواب طلب کرنا ہے ،حکومت ہمارے ٹی اوآرز سے متفق نہیں ہوئی تھی ۔انہوں نے کہا کہ سپریم کورٹ نے کہا کہ پاکستان کے ادارے ناکام ہو گئے ہیں ،عوام کاسڑکوں پر آنا ایک جمہوری عمل ہے ۔چیئرمین پی ٹی آئی نے کہا کہ میری پارلیمنٹ میں 6فیصد حاضری بھی بہت زیادہ ہے ،میں نے پارلیمنٹ میں صرف وقت ضائع کیا ہے ،اداروں کی تباہی کے پیچھے صرف کرپشن ہے ،عام آدمی کا مسئلہ ہی کرپشن ہے ۔عمران خان نے کہا کہ ملک چلانے کے لئے پیسہ نہیں ہے بلکہ سارا پیسہ چوری ہوکر باہر جا رہا ہے ۔انہوں نے کہا کہ کسی جماعت میں تحریک انصاف جیسی جمہوریت نہیں ہے ،میری پارٹی میں سب کی رائے لی جاتی ہے ۔