سانحہ بلدیہ فیکٹری, ملزم تھائی لینڈ سے اہم مقام پر منتقل

کراچی (کرائم رپورٹر، مانیٹرنگ ڈیسک) سانحہ بلدیہ ٹاون کے مرکزی ملزم رحمان بھولا کو ایف آئی اے کی دو رکنی ٹیم لے کر کراچی پہنچ گئی ہے۔ سانحہ بلدیہ ٹاﺅن کے مرکزی ملزم رحمان بھولا کو ایف آئی اے کی دو رکنی ٹیم لے کر کراچی پہنچ گئی ہے، ملزم کو سخت سکیورٹی میں پولیس کے حوالے کیا جائے گا،ذرائع کا کہنا ہے کہ رحمان بھولا کے خلاف کراچی کی عدالت میں مقدمہ چلایا جائے گا۔ ملزم رحمان بھولا نے ایف آئی اے کو اپنے بیان میں انکشاف کیا ہے کہ حماد صدیقی کے کہنے پر لگائی جو ایم کیو ایم بانی کا کماﺅ پوت اور رہنمائ تھا، فیکٹری کو بھتہ نہ دینے پر آگ لگائی گئی تھی، آگ لگانے میں ایم کیو ایم کے دیگر ارکان بھی شامل تھے۔ واضح رہے سانحہ بلدیہ ٹاﺅن کے مرکزی ملزم رحمان بھولا کو بنکاک میں انٹر پول کے ذریعے گرفتار کیا گیا تھا۔ ٹیپو سلطان پولیس کے ہاتھوں پولیس مقابلے اور غیر قانونی اسلحے کے الزام میں گرفتار ملزم نے بھی سانحہ بلدیہ کے حوالے سے اہم انکشافات کردیے ہیں اس سلسلے میں ذرائع کا کہنا ہے کہ ٹیپو سلطان پولیس کے ہاتھوں مقابلے کے بعد گرفتار ہونے والے ملزم یوسف عرف گدھا گاڑی والا نے دوران تفتیش بتایا کہ وہ بلدیہ کا رہنےو الا ہے ذرائع کا کہنا ہے کہ یوسف عرف گدھا گاڑی بلدیہ کا سرگرم کارکن اور رحمان بھولا کا قریبی ساتھی تھا اور سیکٹر انچارج اصغر بیگ آگ لگانے میں ملوث اور مرکزی کردار تھا، اس نے مزید بتایا کہ آگ لگی تو اصغر بیگ سیکٹر انچارج تھا بعد میں رحمان بھولا کو انچارج بنا دیا، ذرائع کے مطابق ملزم نے مزید بتایا کہ ررحمان بھولا نے فیکٹری میں آگ لگنے کے بعد 3 دن تک امدادی کیمپ لگایا اور رحمان بھولا بلدیہ سیکٹر کے دیگر ساتھیوں کے ساتھ فیکٹری سے لاشیں نکالتا رہا،رحمن بھولا سے تنازعہ ہوگیا تھا، میں نے اسے مخبری کر کے گرفتار کروادیا تھا، ملزم نے دوران تفتیش مزید بتایا کہ ہمیں سیکٹر انچارج یا پھر یونٹ انچارج شاہد پاشا احکامات دیتا تھا اس نے مزید بتایا کہ سیکٹر انچارج اصغر بیگ کی پوری فیملی بلدیہ فیکٹری میں کام کرتی تھی اور اصغر بیگ کا بھائی اشرف بیگ فیکٹری میں مینجر تھا اور یاسر بیگ بھی فیکٹری میں تھا،فیکٹری کی اندر کی معلومات اصغر بیگ کی فیملی کے ذریعے باہر آتی تھیں، یوسف گدھا گاڑی نے ساتھیوں کے ہمراہ 16 قتل کی وارداتیں کی، عزیر بلوچ کے قریبی ساتھی شاہجہاں بلوچ کو قتل کیا جس پر عزیر بلوچ نے پریس کانفرنس کی، رشید آباد میں اصغر بیگ کے حکم پر 2010 میں اے این پی کے 5 کارکنان کو قتل کیا، اے این پی کے 5 کارکنان کو قتل کرنے پر اصغر بیگ خوش ہوا اور شاباشی دی،بلدیہ میں سب سے زیادہ ٹارگٹ کلنگ اور فسادات ٹارگٹ کلنگ ٹیم لیڈر اصغر بیگ کے حکم پر ہوئی، اس کے ساتھ ساتھ رحمان بھولا کی ہدایت پر دو بھائیوں کو بھی قتل کیا تھا۔