زرداری کے رائٹ ہینڈ کے گھر میں چھاپہ …. حیرت انگیز خبر سے ہلچل

کراچی (مانیٹرنگ ڈیسک، خصوصی رپورٹ) حساس ادارے کا ڈیفنس فیز8 میں انور مجید کے گھر پر چھاپہ، چھاپے کے دوران گھر میں مبینہ طورپر چھپایا گیا اسلحہ اور گولیاں برآمد کرلی گئیں۔ ذرائع کے مطابق گھر پر موجود دو سکیورٹی گارڈز کو زیرحراست میں لیا گیا۔ کراچی کے علاقے ڈرگ روڈ پر حساس ادارے کی کارروائی کے دوران بڑی مقدار میں اسلحہ اور گولیاں برآمد کرلی گئی۔ ذرائع کے مطابق برآمد کیے گئے اسلحے میں رائفل اور ایس ایم جیز شامل ہیں۔ اسلحہ اور گولیاں زیرزمین چھپائی گئی تھیں۔ کارروائی گرفتار مبینہ، دہشت گرد کی نشاندہی پر کی گئی۔ دریں اثنا میٹھادر اورصدر پولیس نے رینجرز افسران کی مدعیت میں سابق صدرآصف علی زرداری کے قریبی دوست اور اومنی گروپ کے مالک انور مجید اور گروپ ہیڈ سمیت دیگرکے خلاف انسداد دہشت گردی، ایکسپلوزو اورغیر قانونی اسلحے ایکٹ کے تحت 2 مقدمات درج کرلیے جب کہ جمعے کو گرفتار کیے گئے 5 ملازمین کو رہا کردیا گیا۔ میٹھادر پولیس نے رینجرز 61ونگ میٹھا رام ہاسٹل میں تعینات سب انسپکٹر ریاض سرور کی مدعیت میں مقدمہ الزام نمبر 422/16 بجرم دفعہ 23اے، 4/5 ایکسپلوزو اورا انسداد دہشت گردی 7ATA کے تحت دررج کیا جس میں بتایا گیا کہ جمعہ کورینجرز نے جوبلی انشورنس بلڈنگ کے فرسٹ فلور پر قائم یو بی ایل اومنی کے آفس میں جی ایم عارف سرہندی، شہزاد اور رجب علی کی موجودگی میں چھاپہ مار کربھاری اسلحہ اور بال بم برآمد کیے تھے۔ دوسرا مقدمہ صدر پولیس نے رینجرز کے انسپکٹر محبوب کی مدعیت میں مقدمہ نمبر 370/16 بجرم دفعہ 23 اے ، ایکسپلوزو اور انسداد دہشت گردی ایکٹ کے تحت انورمجید اور گروپ ہیڈ خواجہ سلمان یونس اور دیگر ذمے داران اومنی کمپنی کے خلاف درج کیاگیا۔مقدمے میں بتایاگیا کہ ہاکی اسٹیڈیم کے بیرک میں قائم اومنی شوگرمل آفس سے غیر قانونی اسلحہ اور بال بم برآمد ہوئے تھے۔پولیس کے مطابق دونوں مقدمات میں تاحال کوئی گرفتاری عمل میں نہیں آسکی، پولیس کے افسران کا کہنا ہے کہ تفتیش کے بعد ملزمان کو گرفتار کیا جائے گا۔ قبل ازیں سابق صدر زداری کی پاکستان آمد کے موقع پر پاکستان رینجرز سندھ کی جانب سے آئی آئی چندریگر روڈ اور ہاکی سٹیڈیم سے جمعہ کے روزگرفتار کیے جانے والے منی شوگر مل کے مزید تین ملازمین کو ہفتہ کے روز رہا کر دیا گیا جبکہ دو ملازمین کو گزشتہ روز ہی رہا کر دیا گیا تھا۔ علاوہ ازیں رینجرز سندھ نے آئی آئی چندریگرروڈ اورہاکی اسٹیڈیم سے گرفتار کیے جانے والے اومنی شوگر مل کے مزید 3 ملازمین کو رہا کردیا گیا جبکہ 2 ملازمین کوگزشتہ روز ہی رہا کر دیا گیاتھا۔مذکورہ افراد کی رہائی کے حوالے سے رینجرز کی جانب سے کوئی اعلامیہ جاری نہیں کیا گیا۔رینجرز کے ایک اعلی افسرنے نام ظاہر نہ کرنے کی شرط پر بتایاکہ آئی آئی چندریگر روڈ اور ہاکی سٹیڈیم کے قریب دو دفاتر سے پانچ ملازمین کامران منیر انصاری، کاشف حسین شاہ، رجب علی، راجپر، اجمل خان خان اور شہزاد شاہد کو گرفتار کیا گیا تھا اور بھاری تعداد میں اسلحہ بھی برآمد کیا گیا تھا۔ کاشف حسین شاہ اور کامران منیر انصاری کوجمعے کی رات ہی رہا کر دیا گیا تھا جبکہ رجب علی راجپر،اجمل خان اور شہزاد شاہد کو ہفتے کی شام رہا کیا گیا، رہائی پانے والے افراد اومنی شوگر مل کے ملازمین ہے۔ ذرائع کا کہنا ہے کہ جن افراد کو رہاکیا گیا ہے ان سے تفتیش کے دوران برآمد کے جانے والے اسلحے سے کوئی تعلق ثابت نہیں ہوسکا۔