قصور (ویب ڈیسک ) پاکستان تحریک انصاف (پی ٹی آئی) کے چیئرمین عمران خان نے کہا ہے کہ اگر قطری شہزادے کا خط جھوٹا ثابت ہوگیا تو وزیراعظم نواز شریف کی چھٹی ہوجائے گی، نواز شریف اب پانامہ کیس سے بچنے والے نہیں، نوازشریف اسمبلی میں آکر خود مجھ سے براہ راست بات کریں، دوسروں کو آگے نہ کریں خود اسمبلی میں آکر جواب دیں، نواز شریف پاکستان میں کرپشن کے بادشاہ ہیں، پارلیمنٹ میں آکر بحث کریں پتہ لگ جائے گا جمہوریت کیا ہوتی ہے، شریف برادران نے اقتدار کے 12 سالوں میں 30 فیکٹریاں بنالیں جبکہ اقتدار میں آنے سے پہلے ان کی صرف ایک فیکٹری تھی، چار وزرائ اس بات کا اقرار کرچکے ہیں کہ لندن فلیٹس 1993میں لیے گئے، اگرمریم نواز لندن فلیٹس کی مالکن نکلیں تب بھی نوازشریف کی چھٹی ہوگی، پہلی بار سپریم کورٹ میں وزیراعظم کی تلاشی لی جارہی ہے، ملک تبدیل ہورہا ہے، تاریخ میں کبھی ایسا نہیں ہوا، شوکت خانم پشاور چار ارب روپے میں بن گیا، شریف خاندان نے 12ارب کے اشتہارات دیدیے وہ خود لندن چیک اپ کیلئے چلے جاتے ہیںان کو شرم، حیا اور خوف تک نہیں کہ انہیں اللہ کے پاس بھی جانا ہے، لاہور کے جناح ہسپتال میں قصور کی زہرہ بی بی ٹھنڈے فرش پر لیٹی لیٹی مرگئی، کوئی دہشتگردی یا کوئی ایسی بیماری نہیں تھی کہ ہسپتالوں میں جگہ کم پڑگئی۔ وہ اتوار کو قصور میں جلسہ عام سے خطاب کررہے تھے۔ عمران خان نے کہاکہ نوازشریف اسمبلی میں آکر خود مجھ سے براہ راست بات کریں، دوسروں کو آگے نہ کریں خود اسمبلی میں آکر جواب دیں۔ دوسری طر انھوں نے کہا کہ ملک میں جنگ بھی نہیں تھی دور امن میں بھی ہسپتالوں میں مریض کو جگہ نہیں ملی‘ زہرہ بی بی کو جناح ہسپتال میں بستر نہ ملا وہ فرش پر انتقال کر گئی‘ زہرہ بی بی لاہور کے ہسپتالوں میں خوار ہوتی رہی مٹھی بھر لوگ اقتدار میں صرف پیسے بنانے کے لئے آتے ہیں۔ یہاں ہسپتال میں اور نہ ہی پینے کا صاف پانی موجود ہے کیا ملک میں کوئی جنگ کا عالم تھا جہاں ہسپتالوں میں رش تھا۔ بے حس حکمرانوں کو علم ہی نہیں ہے کہ ہسپتالوں کا کیا حال ہے۔ یہ لوگ تو اپنا طبی معائنہ کرانے بھی لندن جاتے ہیں۔ عمران خان نے کہا کہ سرکاری ہسپتالوں میں ایک بستر پر چار چار مریض پڑے ہوتے ہیں۔ دونوں بھائیوں کو کوئی خوف نہیں ہے۔ اقتدار میں آنے سے پہلے شریف خاندان کی ایک فیکٹری تھی اور اب 30 ہیں۔ میں ان شریفوں سے پوچھتا ہوں کہ آپ کا پیٹ کب بھرے گا۔ 35 سال سے شریفوں نے پنجاب میں 6,6 دفعہ حکومت کی ہے۔ ایک اپنے آپ کو خادم اعلیٰ کہتا ہے اور دوسرے سے کوئی سوال کرو تو معصوم سی شکل بنا لیتا ہے۔ذرائع کیمطابق دوسری طرف عمران خان کی یہ پیشکش کہ نواز شریف مجھ سے اسمبلی میں براہ راست بات کریں ایک اہم ڈیل کی طرف اشارہ کر رہے ہیں ۔
عمران خان نے ”نوازشریف “ کو بڑی پیشکش کردی
