ممبئی(ویب ڈیسک)رنویر سنگھ نے اداکاری میں تو خوب ہی نام کمایا اور اب وہ گلوکاری کے میدان میں بھی قدم رکھ چکے ہیں۔بھارتی میڈیا رپورٹس کے مطابق بالی ووڈ اداکاررنویرسنگھ کو اداکاری کے علاوہ گلوکاری بہت پسند ہے جس کا متعدد بار وہ اظہار بھی کر چکے ہیں جب کہ انہوں نے کئی ایوارڈ فنکشن میں بھی گلوکاری کے جوہربھی دکھائے ہیں۔میڈیا رپورٹس کے مطابق اداکارنے زویا اخترکی ہدایت میں بننے والی فلم ’گلی بوائے‘ کے لئے ایک ریپ طرز کا گانا ریکارڈ کرادیا ہے جس کے باعث وہ مداحوں میں ایک بار پھرمشہور ہونے لگے ہیں، گانے میں ان کے انداز کو مداحوں نے خوب سراہا ہے اورممبئی کے معروف ریپرڈیوائن نے بھی رنویر کی گلوکاری کی خوب تعریف کی ہے۔
