ممبئی(ویب ڈیسک)بالی ووڈ اداکارہ راکھی ساونت کی برقع پہنے ویڈیونے سوشل میڈیا پر تہلکہ مچا دیا ، ویڈیوگزشتہ سال اس وقت بنائی گئی جب اداکارہ قطر میںپرفارم کیلئے پہنچی جہاں حکومت نے غیر مناسب لباس پہننے پر پابندی عائد کر رکھی ہے۔تفصیلات کے مطابق راکھی ساونت کی برقع اوڑھے ویڈیو سوشل میڈیا پر تیزی سے وائرل ہورہی ہے جس میں دیکھا جاسکتا ہے کہ اداکارہ نے مکمل طور پرعبایا پہن رکھا ہے۔ ویڈیو میں راکھی نے بتایا کہ قطر میں پرفارم کرنے کے لیے پہنچی ہوں جہاں غیر مناسب لباس پہننے پرحکومت کی جانب سے پابندی ہے جس کی وجہ سے برقع اوڑھ رکھا ہے جب کہ تقریب میں بھی اسی طرح پرفارم کرنا ہے تاہم عبائے میں میری شخصیت بھی اچھی لگ رہی ہے۔
