لاہور(نیوزایجنسیاں)پی سی بی نے بڑا اقدام اٹھاتے ہوئے سپاٹ فکسنگ سکینڈل میں مشکوک کھلاڑیوں کی فرنچائزز سے تفتیش کرنے کا فیصلہ کیا ہے۔تفصیلات کے مطابق پی ایس ایل ٹو میں فکسنگ سکینڈل کی تحقیقات کو آگے بڑھانے کے لئے پی سی بی نے مشکوک کھلاڑیوں کی فرنچائزز کے مینجرز اور کوچز سے پوچھ گچھ کا فیصلہ کیا گیا ہے جبکہ فرنچائزز انتظامیہ کا اینٹی کرپشن یونٹ کے سامنے طلبی کا امکان ہے۔فرنچائزز کے مالکان کو بھی تفتیش میں شامل کئے جانے کا امکان ہے۔یاد رہے کہ سپاٹ فکسنگ سکینڈل میں ملوث ہونے کی بناءپر پی سی بی متعدد کھلاڑیوں کو پہلے ہی معطل کرچکا ہے جبکہ مزید کھلاڑیوں کو تحقیقات کے دائرہ کار میں لانے کا فیصلہ کیا گیا ہے۔
