کراچی (این این آئی) آصف علی زرداری علیل ہوگئے ہیں۔ وہ طبی معائنہ کرانے کے لیے ہفتہ کو دبئی روانہ ہوگئے جہاں ڈاکٹرز ان کا تفصیلی طبی معائنہ کریں گے۔ آصف علی زرداری کے دبئی سے لندن روانگی کے بھی امکانات ہیں۔ پیپلزپارٹی کے ذرائع کا کہنا ہے کہ آصف زرداری عید الفطر سے قبل نواب شاہ پہنچے تھے اور انہوںنے عید سے اب تک نواب شاہ میں قیام کیا اور اپنی سیاسی مصروفیات جاری رکھیں۔ نواب شاہ میں قیام کے دروان انہوںنے اطراف کے علاقوں کا دورہ بھی کیا اور پیپلزپارٹی کے رہنماو¿ں اور کارکنوں سے ملاقاتیں بھی کیں۔ آصف علی زرداری مسلسل سیاسی مصروفیات کی وجہ سے علیل ہوگئے اور ان کا بلڈپریشر اور شوگر نارمل نہیں جس کی وجہ سے ان چلنے پھرنے میں مشکلات کا سامنا ہے۔ ڈاکٹروں کی رائے کے بعد وہ اپنا تفصیلی طبی معائنہ کرانے کے لیے دبئی چلے گئے ہیں۔ دبئی میں قیام کے دوران آصف علی زرداری کے معالجین ان کا معائنہ کریں گے جبکہ اس بات کا بھی امکان ہے کہ وہ دبئی سے لندن روانہ ہوجائیں۔

اسلا م آ با د (آن لائن) مادر ملت محترمہ فاطمہ جناحؒ کی50ویں برسی آ ج اتوار کو منائی جائے گی وہ 9جولائی 1967ءکو انتقال کر گئی تھیں ۔ مادر ملت کی برسی کے حوالے سے ملک بھر میںمسلم لیگ اور دیگر جماعتوں کے زیر اہتمام مختلف تقاریب کا اہتمام کیا جائے گا جبکہ ریڈیو،ٹی وی چینلز مختلف پروگرام نشر کیے جائیں گے اور اخبارات میں خصوصی ایڈیشن کے ذریعے محترمہ فاطمہ جناح ؒکی قیام پاکستان کیلئے جدوجہد اور قربانیوں کو اجاگر کیا جائے گا ۔محترمہ فاطمہ جناحؒ 30جولائی 1893ءکو کراچی میں پیدا ہوئیںواضح رہے کہ محترمہ فاطمہ جناح نے تحریک پاکستان میں کلیدی کردار ادا کیا اور اپنے بھائی حضرت قائد اعظم محمد علی جناحؒ کے شانہ بشانہ چلتے ہوئے فیصلہ کن کردار ادا کیا اسی وجہ سے انہیں مادر ملت کا خطاب ملا۔محترمہ فاطمہ جناحؒ 9جولائی 1967ءکو 73برس کی عمر میں انتقال کر گئی تھیںانہیں کراچی میں دفن کیا گیا تھا۔

لاہور (ویب ڈیسک) واجد ضیائ نے یوکے میں جے آئی ٹی کیلئے پی ٹی آئی کے طرفدار اپنے کزن کی خدمات حاصل کرکے اقربائ پروری اور کرپشن کی نئی مثال قائم کر دی، موصوف کو وزیراعظم نوازشریف اور اِن کی خاندان کے خلاف تحقیقات کرنے کی ذمہ داریاں سونپی گئی ہیں، واجد ضیائ نے پاکستانی ٹیکس دہندگان کے پیسے کا استعمال کرکے اپنے کزن اختر ریاض کی خدمات حاصل کیں اس کا آج ہی انکشاف ہوا ہے۔اختر ریاض ریاض کوئسٹ سولیکیٹر کے نام سے ایک کمپنی کے مالک ہیں جن سے ہزاروں پونڈ کی ادائیگی سے بے معنی خطوط لکھوائے جانے کا انکشاف ہوا ہے یہ جے آئی ٹی کے کچھ اہم ممبران کی تنگ نظری کی واضح مثال ہے کہ اختر راجہ اور ان کی اہلیہ دونوں پاکستان تحریک انصاف کے متحرک ممبرز ہیں اور اس حقائق سے واجد ضیائ باخوبی واقف ہیں۔ جے آئی ٹی کے ذرائع سے اِس خبر کی تصدیق کی ہے کہ اختر راجہ کو واجد ضیائ کی خصوصی ہدایات پر ہائر کیا گیا ہے، واجد ضیائ نے جے آئی ٹی ممبرز کوبتایا کہ انکا کزن قابل اعتماد شخص ہے اور اعلی پیشہ وارانہ صلاحیتیں رکھتا ہے، لیکن واجد ضیا نے جے آئی ٹی یا سپریم کورٹ کو نہیں بتایا کہ اختر راجہ، کوئسٹ سولیکرز (براڈ گیٹ ٹاور، 20 پریمروس سٹریٹ، لندن، EC2A 2EW) کے واحد پریکٹیشنر ہیں اور ان کی فرم کی قانونی تحقیقات میں کوئی مہارت نہیں ہے، حساس اہم پروفائل کے معاملات میں مالی اور پیچیدہ دائرہ کارکے قوانین پر بھی کوئی دسترس نہیں رکھتے. ایک جے آئی ٹی کے رکن کا کہنا ہے کہ واجد ضیا نے واضح طور پر اپنے کزن کو فائدہ پہنچانے کی کوشش کی ہے تاکہ وہ جے آئی ٹی کی جانب سے برطانیہ میں مختلف اداروں کو نواز شریف کے بچوں کے حوالے سے خطوط لکھ سکیں۔ اختر راجہ ماضی میں دہشت گردی کے معاملات کو ڈیل کرتے رہے ہیںاور مالی یا منی لانڈرنگ کے حوالے سے کوئی تجربہ نہیں رکھتے تحقیقات سے پتہ چلتا ہے کہ اختر راجہ اور واجد ضیائ کے فرسٹ کزن ہیں اور دونوں اصل میں مری،راولپنڈی سے تعلق رکھتے ہیں. اختر راجہ کو واجد ضیائ کے انکل نے گود لیا تھا کیونکہ واجد ضیائ کے انکل کی اپنی اولاد نہیں تھی، معلوم ہوا ہے کہ اختر راجہ کم عمری میں ہی یوکے شفٹ ہو گئے تھے، ا±نہوں نے اپنی اور واجد ضیائ کی مشترکہ کزن سے شادی کر رکھی ہے۔واجد ضیائ اور اختر ریاض راجہ کے مشترکہ کزن نے انکشاف کیا ہے کہ اختر راجہ تحریک انصاف کے متحرک ممبر ہیں اور تحریک انصاف کے زیراہتمام تقریبات میں شرکت بھی کرتے رہتے ہیں اور مسلم لیگ (ن) مخالف خطاب بھی کرتے ہیں، جب کہ ان کی اہلیہ پی ٹی آئی کیلئے فنڈز ریزنگ بھی کرتی رہی ہیں اور سوشل میڈیا پر بہت متحرک رہی ہیں، مگر بتایا گیا ہے متحرمہ نے اپنے شوہر کے جے آئی ٹی سے رابطے کے فوراً بعد اپنا فیس بک اکاو¿نٹ غیرفعال کر دیا ہے۔ یہ واضح نہیں اختر راجہ کے پی ٹی آئی سے سیاسی لگاو¿ کی خبر جے آئی ٹی کے باقی ممبران کو ہے یا نہیں مگر اس بات میں کوئی شک نہیں کہ واجد ضیائ اختر راجہ کی پاکستان تحریک انصاف سے سیاسی وابستگی سے بالکل آگاہ ہیں۔

لاہور (اپنے سٹاف رپورٹر سے) وزےراعلیٰ پنجاب محمد شہبازشرےف نے کہا ہے کہ وزےراعظم محمد نوازشرےف کی قےادت مےں ملک معاشی طور پر مضبوط ہو ا ہے اورروشن پاکستان کی جانب تےزی سے سفر جاری ہے – مسلم لےگ (ن) کی حکومت نے شفافےت،معےار اور رفتار سے منصوبے مکمل کرنے کے نئے رےکارڈ بنائے ہےں ۔ملک کی تیز رفتار ترقی دیکھ کر مخالفین کی بے چینی بڑھ رہی ہے -ایک طرف ویژن سے عاری سابق حکمران ہیں جنہوں نے معیشت کا بیڑا غرق کیاجبکہ دوسری طرف دھرنا گروپ ہے جس نے انتشار کی سیاست کے ذریعے ترقی کا راستہ روکنے کی کوشش کی – دھرنا گروپ کی ہٹ دھرمی نے ملک و قوم کا بے پناہ نقصان کےا ہے ۔ دھرنا گروپ کو عوام کی ترقی اورفلاح کسی صورت گوارا نہےں۔مخالف سیاسی عناصر خائف ہیں کہ ترقیاتی منصوبے مکمل ہونے سے انکی سیاست ہمیشہ کیلئے دفن ہو جائے گی- انہوںنے کہا کہ پاکستان کے باشعور عوام کو کھوکھلے نعروں یا تقریروں سے نہیں بہلایا جا سکتا – میرا پختہ یقین ہے کہ عوام کی خدمت کیلئے مٹی کےساتھ مٹی ہونا پڑتا ہے – وزےراعلیٰ نے کہا کہ پاکستان مسلم لیگ (ن) کی قیادت کا جینا مرنا عوام کے ساتھ ہے – بلا جواز شور مچانے والے واویلہ کرتے رہ جائینگے اور پاکستان آگے بڑھتا جائے گا-افراتفری اور انتشار کی سیاست پہلے کامیاب ہوئی نہ آئندہ کامیاب ہو گی۔ پاکستان کے عوام صرف اور صرف ترقی و خوشحالی اور امن چاہتے ہیںاوروزےراعظم محمد نوازشرےف نے پاکستان کے عوام کے ساتھ کےے گئے ہر وعدے کی لاج رکھی ہے۔ وزیراعلیٰ پنجاب محمد شہبازشریف نے ان خےالات کا اظہاررکن پنجاب اسمبلی مولانامحمد رحمت اللہ سے گفتگو کرتے ہوئے کےا ،جنہوںنے ان سے ملاقات کی۔ وزیراعلیٰ پنجاب محمد شہباز شریف سے جمعیت علماءاسلام (ف) کے سربراہ اور کشمیر کمیٹی کے چیئرمین مولانا فضل الرحمن نے ملاقات کی۔ دونوں رہنماﺅں نے مقبوضہ جموں و کشمیر میں قابض بھارتی افواج کی جانب سے نہتے کشمیری عوام پر مظالم اور لائن آف کنٹرول پر بھارتی فوج کی بلااشتعال فائرنگ کے واقعات کی شدید مذمت کی۔ شہبازشریف اور مولانا فضل الرحمن نے حق خودارادیت کے حصول کیلئے اپنی جانوں کے نذرانے پیش کرنے والے کشمیری عوام کی قربانیوں کو خراج عقیدت پیش کیا۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ بندوق کی گولی اور ظلم و جبر سے کشمیری عوام کی حق خود ارادیت کی تحریک کو دبایا نہیں جاسکتا۔ مقبوضہ کشمیر میں بھارتی حکومت کی ظلم و تشدد کی پالیسی ناکام ہو چکی ہے۔ انہوں نے کہا کہ کشمیری عوام نے اپنے خون سے تحریک آزادی کو نئی جلا بخشی ہے۔مقبوضہ کشمیر میں انسانی حقوق کی خلاف ورزیوں پر عالمی برادری کی خاموشی کا کوئی جواز نہیں۔ خطے میں پائیدار امن کیلئے تنازعہ کشمیر کا اقوام متحدہ کی قرارداد کی روشنی میں حل ضروری ہے۔ وزیراعلیٰ نے کہا کہ پاکستان ہم سب کا سانجھا گھر ہے اور خیبرپختونخوا، بلوچستان، سندھ اور پنجاب ایک لڑی میں پروئی ہوئی چار اکائیاں ہیں اور چاروں صوبوں کے عوام کے دل ایک ساتھ دھڑکتے ہیں۔ انہو ںنے کہا کہ پنجاب میں بسنے والے پختون، بلوچ، سندھی اور کشمیری ہمارے بھائی ہیں اور ہم سب نے مل کر ملک کی ترقی و خوشحالی کیلئے کام کرنا ہے۔ مولانا فضل الرحمن نے اس موقع پر بات چیت کرتے ہوئے کہا کہ وزیراعظم محمد نوازشریف نے مسئلہ کشمیر کو بین الاقوامی فورم پر بھرپور انداز سے اٹھایا ہے۔ بے گناہ کشمیریوں کی شہادت پر عالمی برادری کی خاموشی انصاف کے قتل کے مترادف ہے۔انہوں نے کہا کہ مقبوضہ کشمیر میں بھارت کی بربریت کے باوجود کشمیری عوام کی خود حق ارادیت کی تحریک میں تیزی آئی ہے۔ کشمیری عوام کی حق خودارادیت کے حصول کیلئے عظیم قربانیاں رائیگاں نہیں جائیں گی۔ وزیراعلیٰ پنجاب محمد شہبازشریف سے فرانس کی سفیر مارٹن ڈورنس (Mrs.Martine Dorance) نے ملاقات کی،جس میں باہمی دلچسپی کے امور، دو طرفہ تعاون کے فروغ اور مختلف شعبوں میں تعاون بڑھانے پر تبادلہ خیال کیاگیا۔فرانسیسی سفیرنے توانائی منصوبوں کی ریکارڈ مدت میں تکمیل پر وزیراعلیٰ شہبازشریف کو مبارکباد دیتے ہوئے کہا کہ پاکستان میں جس تیزرفتاری سے توانائی منصوبوں کو مکمل کیا جا رہاہے وہ اپنی مثال آپ ہے اور موجودہ حکومت کی جانب سے توانائی بحران کے خاتمے کے لئے کی جانے والی کاوشیں قابل تعریف ہیں-انہوںنے کہاکہ وزےراعلیٰ شہبازشرےف کی ولولہ انگےر قےادت مےں پنجاب نے غےر معمولی ترقی کی ہے اوران کی قیادت میں پنجاب حکومت نے کئی شعبوں میں نمایاں کارکردگی دکھائی ہے۔تعلیم، صحت اور دیگر سماجی شعبوں میں پنجاب حکومت نے نمایاں کارکردگی کا مظاہرہ کیا ہے۔ انہوںنے کہاکہ فرانس پاکستان کے سا تھ اپنے تعلقات کو بہت اہمیت دیتا ہے-فرانس پنجاب حکومت کے ساتھ ہر سطح پر تعاون جاری رکھے گا۔وزیراعلی محمد شہبازشریف نے اس موقع پر گفتگو کرتے ہوئے کہاکہ پاکستان اورفرانس کے درمےان بہترےن دوستانہ تعلقات موجود ہےں اوردونوں ملکوں کے مابےن معاشی ،تجارتی اوردےگر شعبو ںمےں تعلقات کو پائےدار بنےادوں پر فروغ دےنے کی ضرورت ہے ۔انہوںنے کہاکہ تجارتی وفود کے زےادہ سے زےادہ تبادلوں سے دو طرفہ تجارت مےں اضافہ ممکن ہے۔فرانس کو متبادل ذرائع سے توانائی کے حصول،واٹر اےنڈ سےنی ٹےشن اور اےگروبےسڈ انڈسٹری کے شعبوں مےں خاص مہارت حاصل ہے اوراس ضمن میں دو طرفہ تعاون کو مزید فروغ دیا جاسکتا ہے۔انہوںنے کہاکہ پنجاب مےں سرماےہ کاری کے لئے انتہائی ساز گار ماحول موجود ہے اور فرانس کے سرماےہ کار پنجاب مےں سرماےہ کاری کے بے پناہ مواقعوں سے فائد ہ اٹھا سکتے ہےں ۔سرماےہ کاروںکوہر ممکن سہولتےں فراہم کرےں گے ۔انہوںنے کہاکہ وزیراعظم محمد نوازشریف کی قیادت میں 4برس میں شفافیت کو فروغ دےا گیا ہے-ترقیاتی منصوبوں میں شفافیت کو یقینی بنا کر قوم کے اربوں روپے کے وسائل بچانے کی نئی مثال قائم کی ہے- ترقیاتی منصوبوں میں شفافیت، اعلیٰ معیار اور رفتار کے نئے باب رقم کئے ہیں اور دنیا آج پاکستان میں شفافیت کا برملا اعتراف کر رہی ہے۔ انہوں نے کہاکہ پاکستان اپنی حقیقی منزل کی جانب بڑھ رہا ہے اور وزیراعظم محمدنوازشریف کی قیادت میں ملک ترقی اور خوشحالی کی شاہراہ پر ٹیک آف کر چکا ہے۔ انہوںنے کہاکہ پاکستان میں دہشت گردی وانتہا پسندی کی کوئی گنجائش نہیں اور دہشت گرد انسانیت کے کھلے دشمن ہیں – پاکستانی قوم دہشت گردی کے مکمل خاتمے کا عزم کر چکی ہے -سیاسی و عسکری قیادت کے اتفاق رائے سے کئے گئے فیصلوںکے باعث دہشت گردی کے خلاف جنگ میں بے مثال کامیابیاں ملی ہیں۔ وزیر اعلیٰ پنجاب محمد شہباز شریف نے کہاہے کہ عبدالستار ایدھی مرحوم پاکستان کی پہچان اوراثاثہ تھے اورانہوںنے خدمت خلق کی عظےم بنےاد ڈالی اورزندگی بھر انسانےت کی خدمت کرکے اےک نےاباب رقم کےا، میں نے اپنی زندگی میں ہمیشہ عبدالستار ایدھی کی شخصیت اور ان کے کاموں سے انسپائریشن حاصل کی ہے۔ عبدالستار ایدھی نے مجھے غریب آدمی کے ساتھ کھڑاہونا اور اس کی مدد کرنا سکھایا ہے۔ عبدالستار ایدھی کی پہلی برسی کے موقع پر اپنے پیغام میں وزیراعلی محمد شہبازشریف نے کہاکہ عبدالستار ایدھی ایک جذبے، ایک احساس اور طرز فکر کا نام ہے اور اس طرز فکر کی بنیادیں خلق خدا کی بے لوث خدمت پر استوار ہیں۔ ہمیں سیاست، حکومت اور انتظامیہ سمیت زندگی کے ہر شعبے میں اسی جذبے اور اسی طرز فکر کو فروغ دینے کی ضرورت ہے۔ وزیر اعلیٰ پنجاب محمد شہباز شریف نے ٹریفک حادثے میں گورنمنٹ ایمرسن کالج،ملتان کے 3پروفیسرزکے جاں بحق ہونے کے واقعہ پرگہرے دکھ اور افسوس کا اظہارکیاہے-وزیراعلی نے جاں بحق ہونے والے پروفیسرزکے غمزدہ خاندانوں سے دلی ہمدردی اور تعزیت کا اظہارکیا ہے-وزیراعلی نے انتظامیہ کو ہدایت کی کہ حادثے میں زخمی ہونے والے پروفیسرکو علاج معالجہ کی بہترین سہولتیں فراہم کی جائیں- وزیراعلی نے حادثے کے بارے میںانتظامیہ سے رپورٹ طلب کرلی ہے-

اسلام آباد (آن لائن)شریف خاندان کے پارک لین لندن فلیٹس کی منی ٹریل بھی مل گئی پاکستان سے رقوم کی منتقلی سے لے کر پارک لین فلیٹس کی خریداری کب ،کیسے اور کن اکاونٹس اور آف شور کمپنیوں وایجنٹس کے ذریعے بھیجی گئیں،سب تفصیلات سامنے آگئیں جس سے قطری خط اور التوفیق انویسٹمنٹ کے سینئر عہدیدار کے بیان حلفی کا غلط ہونا ثابت ہوتا ہے ۔سماجی میڈیا کی ویب سائٹ تہلکہ ڈاٹ کام نے دعوی کیا ہے کہ منی ٹریل سامنے آنے سے شریف خاندان کے تمام دعووں کی نفی ہو گئی ہے۔ دستاویزی ثبوتوں سے پتہ چلتا ہے کہ کس طرح وزیر اعظم کے فرنٹ مین جاوید کیانی نے سلمان ضیائ نامی شخص کے نام پر حبیب بینک اے جی زیورخ کی لاہور میں واقع برانچ میں جعلی اکاونٹ کھلوایا جس میں جاوید کیانی ، مختلف افراد اور ٹریولر چیکس کے ذریعے مقامی اور بیرون ملک مختلف مقامات سے مجموعی طور پر 2.08ملین ڈالر رقوم جمع کروائیں۔جن میں مجموعی طور پر ساڑھے 3 لاکھ ڈالر کی رقم نواز شریف کی ملکیتی آف شور کمپنی شیمروک کنسلٹنگ کارپوریشن کے Lloyds Bank Plc Stock Exchange Branch,Londonمیں 3مختلف ٹرانزیکشنز کے ذریعے جمع کر وائی گئی۔جن کی تفصیلات یہ ہیں۔ 3جنوری 1993:1لاکھ 5ہزار ڈالر، 6جنوری 1993 1لاکھ 50ہزار ڈالر،1فروری 1993:95ہزار ڈالر، دستاویزات کے مطابق پارک لین کے فلیٹس اور دیگر غیر ملکی جائیدادوں کے ذریعے شریف خاندان نے 15مئی 1992کو آف شور کمپنی شیمروک کنسلٹنگ کارپوریشن رجسٹرڈ کروائی۔جس کو سلمان ضیائ نامی شخص کے جعلی اکاونٹس کے ذریعے پاکستان سے بھاری رقوم کی منتقلی کی گئی۔ جن آف شور کمپنیوں کے ذریعے پارک لین کے فلیٹس لیئے گئے ان کی رجسٹریشن بھی نیسکول لمیٹڈ 27جنوری 1993اور نیلسن انٹرپرائزز لمٹیڈ کی رجسٹریشن 14اپریل 1994کو کروائی گئی اور ان رقوم سے یکم جون 1993 کوپہلا فلیٹ نمبر 17خریدا گیا۔اس طرح 31جولائی 1995 کو فلیٹ نمبر 16اور16Aخریدا گیا۔جبکہ 23جولائی 1996 کو فلیٹ نمبر 17A خریدا گیا۔ان دستاویزات سے پتہ چلتا ہے کہ جعلی اکاونٹس کے ذریعے بیرون ملک منتقلی ، ملزمان کا خود کو چھپانے کیلئے آف شور کمپنیاں بنائی گئیں تاکہ خریدنے والے کا پتہ نہ چل سکے ۔

اسلام آباد(آن لائن) پاناما تحقیقات کا آج آخری دن ، جے آئی ٹی کل اپنی رپورٹ سپریم کور ٹ میں جمع کرائے گی۔ شریف خاندان نے جے آئی ٹی کو اضافی دستاویزات جمع کرا دیں۔ قطری شہزادے کی ٹال مٹول کے باعث بیان تاحال ریکارڈ نہ کیا جا سکا۔ تفصیلا ت کے مطابق پانامہ کیس کی تحقیقات کیلئے سپریم کو رٹ کی جانب سے جے آئی ٹی کو فراہم کیا گیا وقت آج ختم ہو گیا ہے ۔ کل 10جولائی بروز پیر جے آئی ٹی اپنی 63روزہ رپورٹ سپریم کور ٹ کے حوالے کر ے گی۔ باوثوق ذرائع کے مطابق پاناما کیس میں شریف خاندان نے جے آئی ٹی میں اضافی دستاویزات جمع کرائی ہیں۔ اضافی دستاویزات منی ٹریل کے ثبوت کے طور جمع کرائی گئی ہیں۔اضافی دستاویزات میں العزیزیہ اسٹیل کمپنی جدہ کا ایک چیک بھی شامل ہے جس کی مالیت 2 کروڑ 6 لاکھ 30 ہزارسعودی ریال ہے۔ سعودی ہولانڈی بینک کے چیک پر 22 مارچ 2005 کی تاریخ درج ہے۔دبئی میں الثانی خاندان سے بزنس پارٹنرشپ سے متعلق دستاویزات بھی شامل ہیں۔دوسری جانب قطری شہزادے کی جانب سے مسلسل جے آئی ٹی کے دائرہ اختیار کو تسلیم نہ کرنے اور ٹال مٹول کے باعث تاحال ان کا بیان ریکارڈ نہیں کیا جا سکا۔ آج آخری دن تک شہزادہ حمد بن جاسم کا بیان ریکارڈ نہ ہونے کی صورت میں جے آئی ٹی اس کے بغیر ہی اپنی رپورٹ سپریم کورٹ کے حوالے کر دے گی۔ اس حوالے سے جے آئی ٹی قطری شہزادے کو پہلے ہی خط کے ذریعے آگاہ کر چکی ہے کہ ان کا بیان نہ ہونے کے اثرات ان کے سپریم کور ٹ میں پیش کردہ خطوط پر ہوں گے۔ گذشتہ روز ایڈیشنل ڈی جی ایف آئی اے واجد ضیاءکی سربراہی میں پاناما لیکس مشترکہ تحقیقاتی ٹیم کا اجلاس جوڈیشل اکیڈمی اسلام آباد میں ہوا،جس میں جے آئی ٹی نے قطری شہزادے کی جانب سے بھجوائے گئے چوتھے جواب کا جائزہ لیا، جس میں انہوں نے ایک بار پھر پاکستانی سفارتخانے آ کر بیان ریکارڈ کرانے سے انکار کر دیا ہے، مشترکہ تحقیقاتی ٹیم اب تک قلمبند کیے گئے بیانات، فراہم کردہ دستاویزات اور ریکارڈ کی روشنی میں سپریم کورٹ میں جمع کرانے کیلئے تحقیقاتی رپورٹ تیار کر رہی ہے۔ عدالت عظمیٰ نے جے آئی ٹی کو تحقیقات مکمل کر کے رپورٹ 10 جولائی تک جمع کرانے کا حکم دے رکھا ہے۔