ساہیوال (بیو رو رپورٹ) ضلعی صدر پیپلز پارٹی محمد ذکی چوہدری نے کہا ہے کہ بلاول بھٹو 8 ستمبر کی بجائے 15 ستمبر کو ساہیوال میں خطاب کریں گے۔ نئی تاریخ کا اعلان الحمد اللہ کر دیا گیا ہے۔ ان خیالات کا اظہار محمد ذکی چوہدری سابق سٹی ناظم چوہدری شفقت جاوید ، محمد صہیب ذکی، چوہدری سرمد شفقت ، ہمراہ بے نظیر سیکرٹریٹ اولڈسول لائن ساہیوال میں خطاب کرتے ہوئے کیا، انہوں نے کہا کہ 15 ستمبر کو ہونے والا جلسہ ساہیوال کا بہت بڑا جلسہ ہو گا جس میں پچاس ہزار کے قریب افراد شرکت کریں گے، جلسہ کی تیاریاں مکمل کر لی گئی ہیں۔ جلسہ عام سے پیپلز پارٹی پنجاب کے صدر قمر زمان قاہرہ ودیگر قومی لیڈر بھی خطاب کریں گے۔
