ریکارڈ کا علم نہیں اپنی پرفارمنس سے خوش ہوں

دبئی (سپورٹس ڈیسک)پاکستان کے سپنر یاسر شاہ ٹیسٹ میچ کی تاریخ کے پہلے سپنر بن گئے ہیں جنھوں نے مسلسل پانچ میچوں میں کسی ایک اننگز میں پانچ یا اس سے زیادہ وکٹیں حاصل کی ہوں۔غیرملکی میڈیاسے گفتگو کرتے ہوئے یاسر شاہ کا کہنا تھا کہ انہیں ریکارڈکا علم نہیں ہے ،تاہم وہ اپنی پرفارمنس سے خوش ہیں اور کوشش کر رہے ہیںکہ اپنی کارکرگی کو جاری رکھیں اور ٹیم کی فتوحات میں اہم کردار ادا کریں۔یاسرشاہ کا کہناتھا کہ ٹیم ایونٹ کے اندر ہرکھلاڑی کی اہمیت ہوتی ہے اور میں بھی اپنے حصہ کا کردار ادا کرنے کی کوشش کرتا ہوں۔سینئرکھلاڑیوں کے مشوروں سے مفید مدد ملتی ہے اور ہمیشہ ان سے سیکھنے کی کوشش کرتا ہوں۔مصباح اور یونس کے مشوروں سے مدد ملی۔یاسر شاہ ٹیسٹ میچوں کی تاریخ میں یہ سنگِ میل حاصل کرنے والے پہلے سپنر ہیں۔ ان کے علاوہ تین بولرز یہ اعزاز حاصل کر چکے ہیں لیکن وہ تینوں فاسٹ بولرز تھے۔انگلینڈ کے سڈنی بارنز کے پاس 1912-14 میں سات ٹیسٹ میچوں میں مسلسل پانچ یا زیادہ وکٹیں حاصل کرنے کا ریکارڈ ہے۔دوسرے نمبر پر آسٹریلیا کے چارلی ٹرنر ہیں جنھوں نے 1887-1888 میں چھ مسلسل ٹیسٹ میچوں میں پانچ یا زائد وکٹیں حاصل کیں جبکہ تیسرے نمبر پر انگلینڈ ہی کے ایلک بیڈسر ہیں جنھوں نے 1952-53 میں چھ مسلسل ٹیسٹ میچوں میں پانچ یا اس سے زائد وکٹیں حاصل کیں۔یاسر شاہ اب تک مجموعی طور پر 13 بار ایک اننگز میں پانچ یا اس سے زیادہ وکٹیں حاصل کر چکے ہیں جبکہ دو مرتبہ انھوں نے ایک ٹیسٹ میچ میں دس یا اس سے زائد وکٹیں حاصل کی ہیں۔وہ اپنا 28 ٹیسٹ میچ کھیل کر رہے ہیں اور اب تک 163 وکٹیں حاصل کر چکے ہیں۔ پاکستانی کرکٹ ٹیم کے سپنر یاسر نے کہا ہے کہ سابق کپتان مصباح الحق اوریونس خان کی رہنمائی کرنے سے باولنگ میں فرق پڑتاتھا۔ دبئی میں یاسرشاہ کاپریس کانفرنس کرتے ہوئے کہناتھا کہ زیادہ بالنگ سے تھوڑی تھکاوٹ ہوئی ہے جبکہ یہاں وکٹ ملنامشکل تھا۔میں نے پہلی باراتنی لمبی بالنگ کی،دوسرے اینڈسے بھی مددنہیں ملی۔ انہوں نے کہا کہ ٹیسٹ میچ کے دوسرے دن بال تھوڑاٹرن ہوناشروع ہواہے،فاسٹ باولنگ نے تھوڑی مددکی،چوتھے اورپانچویں روزبال مووکرے گا۔