ملتان (آن لائن) عوامی مسلم لیگ کے سربراہ شیخ رشید احمد نے کہا ہے کہ نواز شریف نے محاذ آرائی سے دستبرداری کا فیصلہ کر لیاہے، 40سال سے متبادل قیادت پیدا نہ ہونے دینے والے شریف خاندان کی لندن اور دبئی میں مزید جائیدادوں کے ثبوت ملے ہیں۔ حدیبیکیس کھل گیا تو شریف خاندان نہیں بچے گا۔60سے زائد لیگی ارکان سیٹی کے منتظر ہیں25جنوبی پنجاب سے ہیں ملتان میں میڈیا سے گفتگو کرتے ہوئے شیخ رشید احمد نے کہا کہ نواز شریف نے محاذ آرائی سے دستبرداری کا اعلان کر دیا ہے دنیا میں جب بھی نواز شریف کا نام آتا ہے تو پہلے نا اہل آتا ہے نواز شریف نے نا اہلی کے باوجود اپنے بھائی کو موقع نہیں دیا۔ انہوں نے کہا کہ نواز شریف کی لندن اور دبئی میں مزید جائیدادوں کے ثبوت ملے ہیں دبئی اور لندن سے جائیدادیں نکل رہی ہیں۔ عوام ملک بچانے کے لئے نکلیں ۔ عام آدمی پاکستان کے لئے نکلے بھاگنے کے لئے سیاستدان ہیں۔ انہوں نے کہا کہ چیئر مین نیب نے شروعات اچھی کی ہیں وہ مزید تیزی دکھائیں۔ تیزی دکھائیں گے تو نیب کی عزت میں اضافہ ہو گا۔ انہوں نے کہا کہ اسحاق ڈار نے عملاً وزارت خزانہ چھوڑ دی ہے۔ نواز شریف کے دبا¶ پر شاہد خاقان نے فیصلہ نہیں کیا۔ شاہد خاقان نئے وزیر خزانہ کو تلاش کر رہے ہیں۔ سپریم کورٹ سے استدعا ہے کہ حدیبیہ پیپر ملز کیس کی جلد سماعت کرے ؛ حدیبیہ کیس کھل گیا تو شریف خاندان نہیں بچے گا۔ حدیبیہ کا فیصلہ (ن) لیگ کے مستقبل کا فیصلہ ہو گا۔ انہوں نے کہا کہ عمران خان کے ساتھ ہوں۔ اگلے انتخابات میں عمران خان سے مل کر حصہ لیں گے۔ عمران خان کیس سے بری ہوں گے۔ جمائما کا اہم کردار ہے۔ انہوں نے کہا کہ ایک نا اہل شخص کے لئے قانون بنایا گیا ہے آج کل سپریم کورٹ کا ماہر ہو گیا ہوں پہلی پیشی پر قانون ختم ہو جائے گا۔ اللہ کلثوم نواز کو صحت دے مریم نواز ان کی جگہ الیکشن لنے کی تیارے کررہی ہیں۔
