60سکول قادیانیوں کے حوالے، ارکان اسمبلی کا احتجاج

لاہور (خصوصی رپورٹ) پنجاب اسمبلی کے جاری جلاس میں 60 سرکاری سکول قادیانیوں کے حوالے کرنے کے انکشاف پر ارکان نے حکومت سے فوری نوٹس لینے کا مطالبہ کر دیا۔ حکومتی اور اپوزیشن ارکان نے کشمیری خواتین کے زبردستی بال کاٹنے کیخلاف شدید احتجاج کرتے ہوئے کہا کہ اقوام متحدہ اور سلامتی کونسل میں بھارتی جارحیت اور کشمیریوں پر مظالم کا نوٹس لے۔ پنجاب اسمبلی میں قائد حزب اختلاف میاں محمود الرشید نے خسارے میں جانے وای 56 حکومتی کمپنیوں پر ہاﺅس میں بحث کرانے کا مطالبہ بھی کیا۔ اسمبلی میں 137 اراکین کی حاضری کے باوجود حکومت کورم یقینی بنانے میں ناکام رہی۔