اباڑو(خصوصی رپورٹ) عمران خان نے سندھ کے وسط میں بڑا اور کامیاب جلسہ کرکے پیپلز پارٹی کیلئے خطرے کی گھنٹی بجادی ہے، عمران خان نے گزشتہ شام گھوٹکی سے12 کلو میٹر کے فاصلے پر جلسہ کیا جس میں لوگوں کا طوفان امڈ آیا، عینی شاہدین کے مطابق کچھ عرصہ پہلے اوباڑو میں شاہ محمود قریشی نے جلسہ کیا تھا، یہاں ان کے مریدوں کی تعداد لاکھوں میں بتائی جاتی ہے، مگر عمران خان کا گزشتہ روز کا جلسہ اسی سے بھی بڑا تھا، سیاسی ماہرین حیرت زدہ ہیں کہ گھوٹکی میں بلاول بھٹو زرداری نے کچھ عرصہ قبل جلسہ کیا تھا مگر تحریک انصاف کا گزشتہ روز کا جلسہ بلاول کے جلسہ سے دوگنا بڑا تھا، اس صورتحال میں سندھ میں پیپلز پارٹی کی قیادت نے سر پکڑ لئے ہیں، تجزیہ کاروںکے مطابق عمران خان نے سندھ میں بھی پیپلز پارٹی کیلئے خطرے کی گھنٹی بجادی ہے اور ان کا یہ دعویٰ کسی حد تک سچ دکھائی دے رہا ہے کہ آئندہ الیکشن میں مرکز سمیت ملک بھر سے کامیابی حاصل کرکے حکومت بنائیں گے، سیاسی ماہرین کے مطابق سندھ میں بھی تبدیلی کی ہوا چل پڑی ہے اور لوگ اب ملک میں تبدیلی چاہتے ہیں۔
