گردوں کی غیر قانونی پیوند کاری کا معاملہ ، چودھری سرور کا بھانجہ ایف آئی اے میں پیش

لاہور (اپنے سٹاف رپورٹر سے) گردوں کی غیر قانونی پیوندکاری کا معاملہ، سابق گورنر چودھری سرور کا بھانجے ایف آئی اے میں پیش۔ ایف آئی اے نے کشف اور نجف چودھری کے بیانات قلمبند کر لیے۔ تفصیلات کے مطابق ایف آئی اے کی جانب سے چند روز پہلے ایک ریڈ کے دوران غیر ملکی باشندے کی پیوندکاری کرتے ہوئے رنگے ہاتھوں چھ ملزمان کو گرفتار کیا تھا جنہوں نے دوران تفشیش انکشاف کیا تھا کہ وہ ابراہیم ہسپتال کے ملازمین ہیں اور انکا سرغنہ چودھری سرور کا بھانجے نجف اور کشف چوہدری ہیں جس پر ایف آئی اے اپنی تحقیقات میں دونوں کو شامل کیا چودھری سرور کے بھانجوں نے ایف آئی اے میں گرفتاری سے بچنے کے لیے عدالت سے ضمانت کرائی اور کیس کی تفتیش میں شامل ہو گئے۔ ایف آئی اے نے دونوں بھائیوں کے بیانات قلمبند کر کے تحقیقات کا دائرہ کار وسیع کر دیا ہے۔