لاہور( این این آئی)پنجاب کی فلورملوں نے بیس کلو آٹے کے تھیلے کی قیمت میں مزید 10روپے اضافہ کر دیا جس سے بیس کلو آٹے کے تھیلے کی ایکس مل قیمت 750روپے سے بڑھ کر 760روپے ہو گئی ۔اضافے کے بعد پرچون سطح پر بیس کلو آٹے کے تھیلے کی قیمت 770روپے سے بڑھ کر 780روپے ہو گئی ہے جبکہ دس کلو آٹے کے تھیلے کی قیمت میں پرچون سطح 5روپے اضافہ ہو گیا جس سے اس کی قیمت 380روپے سے بڑھ کر 385روپے ہو گئی ۔ لاہور آٹا ڈیلرز ایسوسی ایشن کے صدر حاجی محمد یوسف نے فلور ملوں کی جانب سے 10کلو اور 20کلو آٹے کے تھیلے کی قیمتوں میں اضافے کی تصدیق کرتے ہوئے کہا ہے کہ حکومت کی جانب سے گندم کی قیمت اجراءکو جواز بنا کر آٹے کی قیمتوں میں اضافہ کیا جارہا ہے ۔
پنجاب میں بیس کلو آٹے کے تھیلے کی قیمت میں 10روپے اضافہ
