جسٹس عظمت سعید کے بھائی کے گھر خواجہ آصف کی بیٹی کا نکاح ،بات جیسے ہی سپریم کورٹ کے معزز جج کو معلوم ہوئی تو انہوں نے اچانک کیا قدم اٹھایا

اسلام آباد (ویب ڈیسک)سینئر صحافی اور تجزیہ نگار چوہدری غلام حسین نے نجی ٹی وی کے پروگرام میں اظہار خیال کیا ہے کہ جسٹس آصف سعید کھوسہ نے کہا کہ میں حدیبیہ کیس کے بنچ میں نہیں بیٹھتا۔ حالانکہ ان پراس قسم کی کوئی پابندی عائد نہیں تھی لیکن انہوں نے خود کو بنچ سے علیحدہ کر کے بڑے پن کا ثبوت دیا۔چوہدری غلام حسین نے انکشاف کیا کہ سپریم کورٹ کے اسی پانچ رکنی بنچ کے ممبر جسٹس عظمت سعید کے گھر وفاقی وزیر خارجہ خواجہ آصف کی صاحبزادی کا نکاح ہوا ہے اور شادی کی تقریبات جاری ہیں۔ چوہدری غلام حسین نے بتایا کہ وفاقی وزیر دفاع خواجہ آصف کی بیٹی کی شادی جسٹس عظمت سعید کے بھائی کے گھر ہوئی ہے ، اگرچہ جسٹس عظمت سعید ملنسار ہیں ، لیکن وہ اپنے سگے بھائی کے بیٹے کی شادی میں بھی شریک نہیں ہوئے ، نہ ہی وہ نکاح میں شریک ہوئے اور نہ ہی انہوں نے شادی کی کسی اور تقریب میں شرکت کی۔ انہوں نے کہا کہ میں کسی بھی سیاسی تقریب میں نہیں جاﺅں گا۔