لاہور(وقائع نگار)تحریک انصاف سنٹرل پنجاب کے صدر عبدالعلیم خان نے کہا ہے کہ4برسوں کے سیر سپاٹے کے بعد آصف علی زرداری کا سیاسی مہم پر نکلنا پرائی شادی میں عبداللہ کے دیوانے پن کے علاوہ کچھ نہیں عوام بخوبی جانتے ہیں کہ زرداری اور نوا ز کا اصل جھگڑا آئندہ باری لینے کا ہے کیونکہ شریف خاندان کی طرف سے جان نشینی کے اعلان سے پیپلز پارٹی خوفزدہ ہو چکی ہے ۔عبدالعلیم خان نے کہا کہ درحقیقت عمران خان کے خلا ف مہم جوئی کر کے زرداری نواز شریف کےلئے راہ ہموار کرنا چاہتے ہیں لیکن انہیں یاد رکھنا چاہیے کہ اب عوام کی تائیدو حمائیت سے وزارت عظمیٰ عمران خان کو ہی ملے گی ۔ پاکستان تحریک انصاف سندھ کے صدر و رکن قومی اسمبلی ڈاکٹر عارف علوی نے کہا ہے کہ پیپلز پارٹی کی سندھ حکومت نے اپنے 9سالہ دور حکومت میں صحت کے شعبے کو مکمل طور پر تباہ کر دیا ہے۔ سندھ کے ہسپتالوں میں مریضوں کو دوائیاں میسر نہیں ہیں اور ہسپتالوں کو عملہ بھی غیر حاضر ہوتا ہے۔ پاکستان تحریک انصاف صحت کے شعبے میں بہتری لانے کے لئے کوشاں ہے ۔ یہ باتیں انہوں نے گزشتہ روز پارٹی سیکریٹریٹ ”انصاف ہاﺅس“ میں پیپلز پارٹی، ایم کیو ایم ، فنگشنل لیگ اور دیگر جماعتوں سے مستعفی ہو کر تحریک انصاف میں شمولیت کرنے والے سول ہسپتال کے سینکڑوں پیرا میڈیکل اسٹاف کے ہمراہ پریس کانفرنس سے خطاب کرتے ہوئے کہیں ۔ اس موقع پر ان کے ہمراہ کراچی ریجن کے قائم مقام صدر و رکن سندھ اسمبلی خرم شیر زمان، پی ٹی آئی سندھ کے سیکریٹری اطلاعات الیاس شیخ، سابق سینیٹر ہمایوں مندوخیل، ملک شہزاد اعوان اور دیگر رہنما بھی موجود تھے۔ڈاکٹر عارف علوی نے مزید کہا کہ ہماری بھرپور کوشش ہو گی کہ ہم پاکستان تحریک انصاف کی پیرا میڈیکل ایسوسی ایشن کے ذریعے سندھ کی عوام کی خدمت کریں۔ سابق گور نر پنجاب چوہدری محمدسرور نے کہا ہے کہ ہم جمہو رےت،آئےن وقانون سے ہٹ کر کسی اقدام کا سوچ بھی نہےں سکتے ،ملک مےں پار لےمنٹ ،جمہورےت اور اداروں کی مضبوطی تحر ےک انصاف کا مشن ہے اس سے ہی ملک مےں کر پشن کا خاتمہ بھی ممکن ہوسکے گا ، تحریک انصاف کے سینئر مرکزی رہنما اعجاز احمد چوہدری نے کہا ہے کہ گرمی کے بعد بجلی کی لوڈشیڈنگ نے عام آدمی کاجینا محال کردیا ہے، حکمران غریب عوام سے جینے کا حق بھی چھین لینا چاہتے ہیں۔ تحریک انصاف کے رہنما اسد عمر نے کہا ہے کہ پانامہ جے آئی ٹی پر بہت سے وسوسے ہیں، ادارے مفلوج ہیں تحقیقات کیا کرینگے، نجی ٹی وی پروگرام میں گفتگو کرتے ہوئے انہوںنے کہا کہ تحریک انصاف21 ویں صدی کی جبکہ نون لیگ پرانی سیاست کررہی ہے،21 ویں صدی میں ڈان لیکس رپورٹ خفیہ رکھنے کا کیا مقصد ہے، حکومت رپورٹ کومنظرعام پر لائے، تحریک انصاف عوامی رابطہ مہم شروع کررہی ہے، سوشل میڈیا استعمال کرنے والوں کو دبایا نہیں جاسکتا، آج پارلیمنٹ میں تحریک انصاف کی تحریک التواءپر بات ہوگی۔
