شارجہ(ویب ڈیسک) کراچی کنگز نے ملتان سلطانز کے خلاف ٹاس جیت کر بیٹنگ کا فیصلہ کیا ہے تاہم میچ بارش کے باعث تاخیر کا شکار ہوگیا ہے۔شارجہ میں کھیلے جارہے پاکستان سپر لیگ تھری کے گیارہویں میچ میں کراچی کنگز نے ملتان سلطانز کے خلاف ٹاس جیت کر بیٹنگ کا فیصلہ کیا ہے تاہم بارش کے باعث میچ تاخیر کا شکار ہوگیا ہے۔کراچی کنگز نے اب تک ایونٹ میں 3 میچز کھیلے ہیں اور ناقابل شکست رہی ہے جب کہ ملتان سلطانز نے 3 میچز کھیلے جس میں سے ایک میں شکست کا سامنا کرنا پڑا جب کہ 2 میں کامیابی حاصل کی ہے۔کراچی کنگز نے آخری میچ میں لاہور قلندرز کو 27 رنز سے شکست دی تھی جب کہ ملتان سلطانز کو آخری میچ میں اسلام آباد یونائیٹد کے ہاتھوں 5 وکٹوں سے شکست کا سامنا کرنا پڑا تھا۔
