اسلام آباد (آئی این پی )نامعلوم موٹر سائیکل سواروں نے سینئر صحافی اینکر پرسن کے گھر پرحملہ کردیا تاہم مزاحمت پر اینٹیں مار کر گھریلو چوکیدار کو شدید زخمی کر دیا اور فرار ہو گئے۔پولیس ذرائع کے مطابق دو نامعلوم مسلح موٹر سائیکل سوار ملزمان نے سلیم صافی کے گھر حملہ کرتے ہوئے اندر داخل ہونے کی کوشش کی جس پر گھر کے سکیورٹی گارڈ نے مزاحمت کی اور ان کو گھر میں داخل نہیں ہونے دیا جس پر مسلح حملہ آوروں نے سیلم صافی کے گھر کے باہر تعینات سکیورٹی گارڈ پر تشدد اور اینٹوں کے وار کئے جس کے باعث سیکورٹی گارڈ کا سر پھٹ گیا۔
سکیورٹی گارڈ کو مزاحمت سے روکنے پر تیز دھار آلے سے بھی مارا گیا،سکیورٹی گارڈ کی طرف سے فائر کرنے پر حملہ آور فرار ہو گئے۔
