میونخ(ویب ڈیسک)اس سواری کو پرسنل موور یعنی ذاتی نقل وحرکت والی سواری کا نام دیا گیا ہے۔ اس کے نیچے پانچ پہیے ہیں اور یہ ایک آدمی کو 25 کلومیٹر فی گھنٹہ کی رفتار سے ایک جگہ سے دوسری جگہ پہنچا جاسکتی ہے۔ بعض کارخانوں اور شاپنگ مالز میں کارکنوں کو روزانہ 5 سے 10 کلومیٹر تک ایک جگہ سے دوسری جگہ جانا پڑتا ہے جس کے لیے یہ سواری تیار کی گئی ہے۔ اس کا پلیٹ فارم قدرے بڑا رکھا گیا ہے جس پر وزن بھی رکھا جاسکتا ہے۔بی ایم ڈبلیو موور کی اونچائی 110 سینٹی میٹر ہے اور اس کا مرکزی پہیہ اسے ا?گے دھکیلتا ہے جبکہ ا?گے کے دو چھوٹے پہیے 360 درجے پر گھوم سکتے ہیں۔ اس طرح یہ سواری اپنے سوار کو ہر سمت میں حرکت کرنے کی سہولت دیتی ہے۔ اس کا ہینڈل موٹرسائیکل جیسا ہے اور پورا نظام بجلی سے چلتا ہے۔اس میں ایل ای ڈی لائٹ اور خبردار کرنے کےلیے گھنٹی بھی لگائی گئی ہے۔ گاڑی کی رفتار میں کمی بیشی کی جاسکتی ہے اور اسے بی ایم ڈبلیو کے کارخانوں میں پہلے ہی سے استعمال کیا جارہا ہے۔
کارخانوں اور ہوائی اڈوں میں تیزرفتار آمدورفت کیلئے آپکی ذاتی سواری
