لاہور(خبر نگار)عام انتخابات کی تیاریوں میں پولیس نے بھی ذمہ داری سنبھال لی۔ لاہور سے قومی و صوبائی اسمبلی کی نشستوں کیلئے کاغذات نامزدگی حاصل کرنے والے امیدواروں کا پولیس ریکارڈ چیک کیا جائیگا۔ ہر سو عام انتخابات 2018 کے چرچے۔ جرائم پیشہ امیدواروں کا الیکشن سے آو¿ٹ ہونے کا امکان۔ لاہور پولیس نے اہم اعلان کردیا۔ کاغذات نامزدگی جمع کروانے والے امیدواروں کا کریمنل ریکارڈ چیک کیا جائے گا۔ پولیس کے اعلیٰ حکام نے شہر کے تمام تھانوں سے امیدواروں پر درج مقدمات کی بارے رپورٹ مانگ لی۔ ایس پیز نے تمام تھانوں کے ایس ایچ اوز کو ریکارڈ مرتب کرکے فوری جمع کروانے کا حکم دیا ہے۔ ریکارڈ مرتب کرنے کے بعد اسے الیکشن کمیشن کو بھجوایا جائیگا۔
