لاہور(شوبزڈیسک) اداکار حمزہ علی عباسی ‘ہانیہ عامر‘ کبریٰ خان کی فلم ” پرواز ہے جنون“ کا پہلا گیت جس کی موسیقی اذان سمیع خان نے دی ہے کو ریلیز کر دیا گیا ہے اس کے لول ” بلھیا“ سے شروع ہوتے ہیں۔ گیت کی موسیقی لاجواب ہے۔ اداکارہ وماڈل کبری خان نے میڈیا سے گفتگوکرتے ہوئے کہا کہ دنیا بھرمیں بننے والی فلموں میں سب سے زیادہ اہمیت سکرین پلے اوراس فنکاروں کے ڈائیلاگز پردی جاتی ہے لیکن ہمارے ہاں بننے والی فلموں میں جدید ٹیکنالوجی تودکھائی دیتی ہے لیکن اس کی کہانی کوجاندار بنانے اورڈائیلاگ کے ذریعے شائقین کوانٹرٹین کرنے کا رجحان فی الحال فروغ نہیں پا سکا۔ جب کوئی ہیرو اپنے کردارکی ڈیمانڈ کے مطابق ولن کوللکارتا ہے تو وہ ڈائیلاگ راتوں رات سوشل میڈیا پربھی لوگوںکی توجہ کا مرکز بنتا ہے۔
لیکن بدقسمتی کہہ لیں یا عقل کی کمی کہ ہمارے ہاں فلم میکرز ان باتوں پربالکل بھی توجہ نہیں دیتے۔انہوں نے کہا فلم ” پرواز ہے جنون“ میں ان روایات کو ٹوٹتا ہوا محسوس کر رہی ہوں جو ایک اچھا شگون ہے۔
