فیصل آباد (بیورو چیف) وزیراعظم کے مشیر برائے سیاسی امور راناثنااللہ نے کہا ہے کہ مہنگائی کے حوالے
سے عوام کا گلہ درست ہے، اس مہنگائی میں ہمارا نہیں ٹرمپ کا قصور ہے۔فیصل آباد میں تقریب سے خطاب کرتے ہوئےرانا ثنا اللہ نے کہا کہ ایران نے ٹرمپ کو جنگ میں جواب دیا ہے، ہم نے تو دونوں ملکوں سے جنگ بندی کی درخواست کی، ایران جنگ رکوانے پر دنیا میں پاکستان کی عزت بڑھی۔رانا ثنا اللہ نے کہا کہ ایران جنگ بند ہو گی تو ملکی معیشت بہتر ہو گی، جنگ بندی سے پاکستان خوشحالی کی طرف بڑھے گا۔ ایران جنگ رکوانے میں پاکستان کا بڑا کردار ہے، فیلڈ مارشل عاصم منیر کی ایران امریکا جنگ رکوانے کے لیے کاوشیں ہیں۔ آبنائے ہرمز بند ہونے سے قطر سے گیس سپلائی بند ہے، قطر سے معاہدے پر گیس پاکستان پہنچی، جنگ ختم ہونے سے پیٹرول بھی سستا ہو جائے گا۔
