فتح پر سرفرازنے پلیئرزکی تعریفوں کے پل باندھ دئیے

بلاوائیو(نیوزایجنسیاں)زمبابوے کےخلاف سیریز میں شاندار کارکردگی دکھانے پر کپتان سرفراز نے قومی کرکٹ ٹیم کے کھلاڑیوں کی تعریف کی، پاکستان نے زمبابوے کے خلاف لگاتار تیسرا ایک روزہ میچ جیت کر 5 میچوں کی سیریز میں فیصلہ کن برتری حاصل کرلی ہے۔زمبابوے کے خلاف 5 ایک روزہ میچز کی سیریز میں قومی کرکٹ ٹیم کی لگاتار فتوحات، شاندار کارکردگی پر کپتان سرفراز نے کھلاڑیوں کی تعریف کی۔ فہیم اشرف کے حوالے سے بات کرتے ہوئے کپتان سرفراز کا کہنا تھا کہ فہیم اشرف کی کارکردگی دن بدن بہتر ہوتی جارہی ہے، وہ ایک آل راﺅنڈر ہے اور ہمیں اس کی ضرورت ہے۔قومی کرکٹ ٹیم کے کھلاڑی زمبابوے کے خلاف جم کر کھیل رہے ہیں، جس سے ناصرف ٹیم فتح حاصل کر رہی ہے بلکہ کھلاڑیوں کے انفرادی ریکارڈز اور عالمی رینکنگ میں بھی اضافہ ہو رہا ہے۔واضح رہے کہ شاہینوں نے پانچ ایک روزہ میچوں کی سیریز 0-3 سے جیت لی ہے جبکہ 2 میچز ابھی باقی ہیں۔ امید ہے کے گرین شرٹس زمبابوے کے خلاف باقی 2 میچز جیت کر سیریز میں کلین سویپ کریں گے۔