نواز شریف پا کستان کے دشمنوں کی زبان بول رہا ہے: شیخ رشید

راولپنڈی(سٹی رپورٹر، مانیٹرنگ ڈیسک) عوامی مسلم لیگ کے سربراہ شیخ رشید نے چیف جسٹس پاکستان سے این اے 60 راولپنڈی میں الیکشن ملتوی ہونے کا نوٹس لینے کا مطالبہ کر دیا ہے۔ لال حویلی راولپنڈی میں پریس کانفرنس کرتے ہوئے شیخ رشید نے قومی اسمبلی کے حلقہ این اے 60 میں الیکشن ملتوی کرنے کی مخالفت کرتے ہوئے کہا کہ ایک حلقے کے الیکشن کو سازش کے تحت روکا جا رہا ہے۔ان کا کہنا تھا کہ کوئی طاقت آئین کے تحت الیکشن نہیں روک سکتی، کسی حلقے میں فائرنگ اور ہلاکت ہو تو آر او الیکشن روک سکتا ہے۔انہوں نے کہا کہ الیکشن کمیشن نے حلقہ 60 کا الیکشن ملتوی کر کے غیر آئینی کام کیا، امید ہے الیکشن کمیشن آئینی راستہ اختیار کرے گا۔شیخ رشید نے چیف جسٹس آف پاکستان سے این اے 60 میں الیکشن ملتوی ہونے کا نوٹس لینے کا مطالبہ کرتے ہوئے کہا کہ مجھے اور عمران خان کو ہرانے کی سازش کی جا رہی ہے۔انہوں نے کہا کہ ہمیں الیکشن روکنے کا کوئی شوق نہیں تھا، 500 کلو ایفی ڈرین کے کیس پر فیصلہ ہوا جو پہلے 10 اور پھر 22 جولائی کو کیا گیا۔ان کا کہنا تھا کہ اگر یہ اختیار استعمال کرنا تھا تو کیپٹن (ر) صفدر کے حلقے میں الیکشن ملتوی کیوں نہ ہوئے؟۔ الیکشن کمیشن نے اگر آئینی قدم اٹھایا ہے تو کل ہائی کورٹ آکر بتائے۔سربراہ عوامی مسلم لیگ شیخ رشید نے کہا کہ آئین اور قانون کے تحت دنیا کی کوئی طاقت الیکشن نہیں روک سکتی، امید ہے الیکشن کمیشن آئینی راستہ اختیار کرے گا،الیکشن کمیشن نے حلقہ 60 کا الیکشن ملتوی کرکے غیر آئینی کام کیا۔ سربراہ عوامی مسلم لیگ شیخ رشید نے این اے 60راولپنڈی میں الیکشن ملتوی ہونے پر پریس کانفرنس سے خطاب کرتے ہوئے کہا کہ حلقے کے الیکشن کو سازش کے تحت روکا جا رہا ہے، مجھے اور عمران خان کو ہرانےکی سازش کی جارہی ہے،حلقے میں الیکشن ملتوی ہونے پرچیف جسٹس سے نوٹس لینے کا کہتاہوں۔ انہوں نے کہا کہ میرے آدمی اب بھی الیکشن کمیشن کے باہرتصدیق شدہ کاپی کے منتظر ہیں،ہم ہزار سے زائد ٹینٹس کا ٹھیکا دے چکے ہیں،الیکشن کمیشن نے اگرآئینی قدم اٹھایا تو کل ہائی کورٹ آکر بتائے،20 لاکھ الیکشن میں لگ چکا ہے،شیخ ہوں مجھے تو رات کو نیند نہیں آرہی،شیخ رشید نے مزید کہا کہ اگریہ اختیار استعمال کرناتھا تو کیپٹن(ر)صفدرکے حلقے میں الیکشن ملتوی کیوں نہ ہوئے؟،بے شک حنیف عباسی کو جیل سے الیکشن لڑنے کی اجازت دی جائے،حنیف عباسی جمہوریت کا قیدی نہیں ،منشیات سمگلنگ میں قید ہواہے۔ انہوں نے کہا کہ کل میرے جلسے میں 2بارگولی چلائی گئی،کسی حلقے میں فائرنگ اور ہلاکت ہو تو آر او الیکشن روک سکتاہے۔ جلسہ سے خطاب کرتے ہوئے انہوں نے کہا کہ عالمی طاقتوں کی سازش ہی نواز شریف کا بیانیہ ہے سب کو شکست دونگا۔ عوامی مسلم لیگ کے سربراہ شیخ رشید نے کہا ہے کہ بیرونی طاقتیں پاکستان کے اداروں کو تباہ کرنے کے درپے ہیں۔ نواز شریف بھی پاکستان دشمنوں کی زبان بول رہے ہیں عمران خان کے ساتھ مل کر حکومت بناﺅں گا۔ راولپنڈی میں جلسہ سے خطاب کرتے ہوئے انہوں نے کہا کہ حدیبیہ پیپر ملز، ایل این جی سرمایہ کاری میں غریب کا پیسہ ہڑپ کیا گیا۔ اداروں کی کوششوں سے ملک میں الیکشن ہونے جا رہے ہیں۔ آنے والی حکومت غریب آدمی کی ہو گی کچھ طاقتیں ملک میں الیکشن کے خلاف سازش کر رہی ہے۔