لاہور(مانیٹرنگ ڈیسک) سابق فرسٹ کلاس کرکٹرطاہرشاہ نے کہا ہے کہ چیئرمین پی سی بی نجم سیٹھی نے اپنے چہیتے لوگوں کی تنخواہیں ، بونس اورمراعات بڑھا دی ہیںجو آنیوالی حکومت کےلئے لمحہ فکریہ ہوگا۔چینل ۵کے پروگرام گگلی میں گفتگوکرتے ہوئے انہوں نے کہا کہ عمران خان آتے ہی اس معاملے پر غورکریں گے۔نجم سیٹھی کرکٹ بورڈکوتباہ کررہے ہیں۔اقرباپروری اور سیا ست کو کرکٹ سے ختم کرنا ہوگا ۔عمران خان کے پا س کرکٹ کےلئے پلان ہے اوروہ کھیل کےلئے بہت کچھ کریں گے۔انہوں نے کہا کہ نجم سیٹھی عمران خان کے حلف اٹھانے کاا نتظار کررہے ہیں،عزت اسی میں ہے کہ نجم سیٹھی خود اپنے عہدے سے استعفیٰ دیدیں۔