لاہور (مانیٹرنگ ڈیسک)تحریک انصاف کے رہنما غلام مرتضیٰ ستی نے کہا ہے کہ تحریک انصاف واحد جماعت ہے جس سے عوام کی امیدیں وابستہ ہیں۔ مسلم لیگ ن اور پیپلزپارٹی کی حکومتوں نے عوام کو کچھ نہیں دیا۔ چینل ۵ کے پروگرام نیوز ایٹ 7 میں گفتگو کرتے ہوئے انہوں نے کہا کہ عمران خان ملک کو کرائسز سے نکالیں گے۔ پنجاب کی وزارت اعلیٰ جس کو بھی دی جائے گی وہ ملک اور صوبے کیلئے بہتر ہونگے۔ تحریک انصاف کو پنجاب میں اپوزیشن کا سامنا رہے گا لیکن تحریک انصاف کسی بھی چیلنج سے نمٹنے کیلئے تیار ہے۔ ملک کو ایک ایماندار قیادت کی ضرورت ہے اور عمران خان میں یہ ساری خوبیاں موجود ہیں۔ پیپلزپارٹی کے رہنما قمر الزماں کائرہ نے کہا ہے کہ پیپلزپارٹی تمام اپوزیشن جماعتوں کے ساتھ رابطے میں ہے اور اس کے رہنما تیار ہیں دیگر پارٹیوں نے ہمیں کہا کہ الیکشن نتائج پر احتجاج کرنا ہے لیکن ہم نے فیصلہ کیا کہ پارلیمنٹ میں جانا ہے تاکہ جمہوری مرحلہ مضبوط ہو ہمیں حکومت میں آنے کا شوق نہیں ہم اپوزیشن میں بیٹھیں گے۔ پیپلزپارٹی کی کوئی غیر منطق مطالبہ نہیں کرے گی۔ انہوں نے کہا کہ ایم کیو ایم کو راضی کرنا پیپلزپارٹی کیلئے مشکل نہیں تھا۔
