مریدکے (نمائندہ خبریں) مریدکے کی آبادی ٹبہ کوٹ یعقوب میں بااثر چوہدری کے بگڑے رئیس زادے کی غریب محنت کش کی 6 سالہ بیٹی سے مبینہ زیادتی ملزم فرار مقدمہ درج زیادتی کی شکار ماں پر مقدمہ واپس لینے اور صلح کرنے کے لئے ملزم کے حمائتیوں کا وحشیانہ تشدد پولیس بھی ملزم پکڑنے میں ناکام بچی کے ورثا کا احتجاج چیف جسٹس سے نوٹس لینے کا مطالبہ محنت کش عبدالرزاق اور اسکی اہلیہ عصمت نے میڈیا کو بتایا وہ دوائی لینے ہسپتال گئے تھے گھر میں 6 سالہ بیٹی تھی گھر واپس پہنچے تو عابد نامی بگڑا رئیس زادہ جو کہ ایک بااثر شخص کا بیٹا ہے گھر سے نکل رہا تھا گھر کے کمرہ میں اسکی چھ سالہ بیٹی رو رہی تھی جسے دیکھا تو اسے زیادتی کا نشانہ بنایا جا چکا تھا بیٹی کو لیکر تحصیل ہیڈ کوارٹر اسپتال لیکر گئے جہاں ڈاکٹروں نے زیادتی کی تصدیق کردی پولیس کو درخواست دی جس نے فوری طور پر مقدمہ درج کرلیا چار روز گزرنے کے باوجود ملزم گرفتار نہیں کیا گیا پولیس سستی کا مظاہرہ کررہی ہے جبکہ ملزم انہیں قتل کرنے مقدمہ واپس لینے اور صلح کک دھمکیاں دے رہے ہیں ملزموں کے حمائتیوں نے انہیں وحشیانہ تشدد کا نشانہ بھی بنایا اس کا میڈیکولیگل بھی حاصل کیا اس کا مقدمہ پولیس درج نہیں کررہی وہ جائیں تو جائیں کہاں چیف جسٹس ثاقب نثار انکی مدد کریں وگرنہ وہ بیٹی سمیت خودسوزی کرلیں گے اس سلسلہ میں جب مریدکے صدر پولیس کے ایس ایچ او لطیف گجرجو کہ اسی شہر کا رہائیشی بھی ہے نے موقف اختیار کرتے کہا ملزم بدھ کے روز گرفتار کرلیا ہے اور اس کا ڈی این اے بھی کرالیا ہے ملزم اور مدعی پارٹی آپس میں رشتہ دار ہیں ملزم اعتراف جرم بھی نہیں کررہا یہ جگہ کا تنازعہ لگتا ہے قانون سے کوئی بالا تر نہیں بچی کے والدین کو تشدد کا نشانہ بنانے والوں کیخلاف مقدمہ بھی درج کرلیا جائے گا۔
6 سالہ بچی سے زیادتی کے ملزم کا اہل خانہ پر صلح کیلئے دباﺅ ، ” خبریں ہیلپ لائن “ میں انکشاف
