جکارتہ(آئی این پی)ایشین گیمزہاکی ٹورنامنٹ کے سیمی فائنلز(آج)جمعرات کوکھیلے جائیں گے۔جکارتہ میں جاری 1ویں ایشین گیمزمیں پاکستان نے آخری پول میچ میں بنگلہ دیش کو5 صفرسے ہرادیا۔اورتمام پانچ میچز جیت کرپول بی میں پہلی پوزیشن حاصل کرلی۔پاکستان کی جانب سے محمد عتیق اور مبشرعلی نے دو دو گول اسکور کئے۔ ایک گول علی شان نے بنایا۔گرین شرٹ ٹیم نے پول بی میں اپنے پانچوں میچز جیت کر15 پوائنٹس کے ساتھ ٹاپ پوزیشن حاصل کی۔پاکستان نے45گول کئے اس کے خلاف صرف ایک گول بن سکا۔سیمی فائنل میں پاکستان کامقابلہ پول اے کی رنرزاپ جاپان سے ہوگا۔جاپان نے 5میں سے4میچز جیتے اور12پوائنٹس حاصل کئے۔گروپ اے میں بھارت اپنے پانچوں میچز جیت کرسرفہرست رہا۔بھارت نے ریکارڈ 76گول کئے۔بھارتی ٹیم کامقابلہ ملائیشیاسے ہوگا۔ملائیشین ٹیم نے پول بی میں 4میچز جیت کر12 پوائنٹس حاصل کئے اور41 گول کرکے دوسری پوزیشن حاصل کی۔
