ناٹنگھم(ویب ڈیسک )ورلڈکپ 2019 کے تیسرے میچ میں سری لنکا کی نیوزی لینڈ کے خلاف بیٹنگ جاری ہے۔کارڈف کے صوفیہ گاڑدن میں کھیلے جا رہے میچ میں نیوزی لینڈ کے کپتان کین ولیمسن نے ٹاس جیت کے پہلے فیلڈنگ کا فیصلہ کیا۔کیوی قائد کا ٹاس جیت کر کہنا تھا کہ ٹام لیتھم فٹ ہیں اور آج کا میچ کھیل رہے ہیں جب کہ ہنری نکولس اور ٹم ساو¿تھی انجری کے باعث آج کا میچ نہیں کھیل رہے۔سری لنکن کپتان دیموتھ کرونا رتنے کا کہنا تھا کہ اگر ہم ٹاس جیتتے تو ہم بھی پہلے فیلڈنگ کا ہی فیصلہ کرتے۔ سری لنکن ٹیم میں ورلڈ کپ کے پہلے دو وارم اپ میچز میں شرکت نہ کرنے والے لستھ ملنگا کی واپسی ہوئی ہے۔
سری لنکن اسکواڈ
سری لنکا کی ٹیم کی کپتانی ڈیموتھ کروناراتنے کر رہے ہیں جب کہ دیگر کھلاڑیوں میں دھننجایا ڈی سلوا، نوان پرادیپ، اوشکا فرنانڈو، سرنگا لکمل، لاستھ ملنگا، اینجیلو میتھیوز، کوشال مینڈس، جیون مینڈس، کوشال پریرا، تھسارا پریرا، میلینڈا سری وردھنے، لاہیرو تھریمانے، اسورو اڈانا اور جیفری ویندر شامل ہیں۔
کیوی اسکواڈ
نیوزی لینڈ کی ٹیم میں کپتان کین ولیمسن، مارٹن گپٹل، ٹام لیتھم، کولن منرو، راس ٹیلر، جیمز نیشام، کولن ڈی گرینڈہوم، مچل سینٹنر، ٹرینٹ بولٹ، لوکی فرگیوسن اور میٹ ہنری شامل ہیں۔
