لاہور(مانیٹرنگ ڈیسک) چینل فائیو کے تجزیوں اور تبصروں پر مشتمل پروگرام کالم نگار میں گفتگو کرتے ہوئے سینئر تجزیہ کار طارق ممتاز نے کہا ہے کہ ادارے جب تک سختی نہ کرینگے کوئی ریکوری نہیں ہوگی۔ فریال تالپور سے کوئی ریکوری نہیں ہوئی اور مزید ریمانڈ دیدیا گیا۔ اپوزیشن کی جانب سے حکومت کو سب دھمکایا جارہا ہے کہ سڑکوں پر نکل آئینگے۔ مریم نواز جھوٹ بولتی ہیں آج ان کو ریلیف مل جائے تو سب معاملات ٹھیک ہوجائینگے۔ آج بھی 1977کی طرح نو ستارے جمع ہوگئے ہیں اور ملک میں افراتفری پھیلا کر مفادات کا دفاع چاہتے ہیں سلیکٹڈ وزیراعظم نعرہ لگانے والے یہ تو بتائیں کہ ان کو کسی نے سلیکٹ کرکے حکومت میں بھیجا تھا۔ بھارت میں انتہا پسند ہندو کسی اور اقلیت کو وہاں نہیں دیکھنا چاہتے ہائی کورٹ نے دوسری نشاندہی کے حوالے سے جو حکم جاری کیا ایوب خان نے بھی ثالثی کونسل کا ایسا ہی قانون بنایا تھا۔ تجزیہ کار اشرف عاصمی نے کہا کہ فریال تالپور سے شواہد کے مطابق تحقیقات ہونگی۔ اپوزیشن کی جانب سے ایک خاص طرح کا ماحول بنایا جارہا ہے۔ کہ میثاق معیشت کرکے معاملات سیدھے کرلئے جائیں فضل الرحمان نے ہمیشہ بلیک میلنگ کی سیاست کی ہے اب بھی اے پی سی کے ذریعے حکومت کو بلیک میل کرنے کی تیاریاں ہورہی ہیں تاہم یہ ناکام ہونگے۔ قانون کے مطابق ایوان میں وزیراعظم کیلئے سلیکٹڈ کا لفظ استعمال نہیں کرنا چاہئے تاہم ہمارے یہاں ایوانوں میں کیا کیا ہوتا رہا ہے وہ بھی سامنے ہے، شہبازشریف اور مریم نواز نے اپنا اپنا محاذ سنبھال رکھا ہے صرف عوام کو بیوقوف بنایا جارہا ہے شریف خاندان میں اختلاف ہونا تو شہباز شریف لندن سے واپس نہ آتے۔ بھارت کا انتہا پسند ہندو سمجھتا ہے کہ بھارت ناکہ توڑا گیا اسی لئے مسلم دشمنی ترک کرنے کو تیار نہیں ہے وہاں کوئی بھی اقلیت محفوظ نہیں ہے۔ تجزیہ کار شاہد اقبال بھٹی نے کہا کہ لوٹے گئے مال کو ریکور کرنا بہت مشکل ہے اپوزیشن دبا? ڈال رہی ہے پریشر گیم ہورہی ہے جس کا صرف معیشت اور عوام کو نقصان پہنچ رہا ہے قطر کی 3ارب ڈالر کی سرمایہ کاری سے فائدہ ہوگا۔ یہ مقامی سرمایہ کاروں کیلئے مثال بنے گی۔ قوم نے عمران خان کو تبدیلی کیلئے چنا ہے پارلیمنٹ میں اجلاس نہیں جلسے ہورہے ہیں 9دن میں 25کروڑ روپے ضائع کئے گئے بھارت میں جبری مذہب تبدیلی کی رپورٹ کا عالمی سطح پر سامنے آنا بہت اہم ہے پاکستان کو اسی پر آواز بلند کرنی چاہئے۔ اسلام آباد ہائی کورٹ نے دوسری شادی کے حوالے سے درست فیصلہ کیا ہے سینئر صحافی میاں حبیب نے کہا کہ دکھائی دے رہا ہے کہ مزید گرفتاریاں ہونے والی ہیں حکومت کو ٹف ٹائم دینے کیلئے اے پی سی کی تیاریاں ہورہی ہیں قطر کا موجودہ حالات میں 3ارب ڈالر سرمایہ کاری کرنا خوش آئند ہے۔ معیشت میں بہتری آئیگی میڈیا پر نان ایشوز پر قوم کو الجھا دیا جاتا ہے ایوانوں میں جہاں سے عوام کو راستہ دکھانے اخلاقی اقدار کی باتیں ہونی چاہیئں صرف بڑھک بازی سنائی دیتی ہے۔ امریکہ نے جو رپورٹ شائع کی ہے اس کے ذریعے بھارت پر دبا? ڈالے گا۔ اسلام میں چار شادیوں کی اجازت دی گئی ہے تو اس کے پیچھے پورا ایک فلسفہ ہے۔ ہمیں اسلام کی اصل روح کو سمجھنا ہوگا۔
سلیکٹڈ وزیراعظم کا نعرہ لگانے والے بتائیں انہیں کس نے سلیکٹ کرکے حکومت میں بھیجا تھا: طارق ممتاز ، اپوزیشن خاص طرح کا ماحول بنارہی ہے کہ میثاق معیشت کے معاملات سیدھے کرلئے جائیں:اشرف عاصمی ، حکومت کو ٹف ٹائم دینے کیلئے اے پی سی کی تیاریاں ہورہی ہیں:میاں حبیب ، قطر کی تین ارب ڈالر کی سرمایہ کاری سے فائدہ ہوگا مقامی سرمایہ کاری کیلئے مثال بنے گی: شاہد اقبال ، چینل ۵ کے پروگرام ” کالم نگار“ میں گفتگو
