لاہور ئیوںکے لئے نئے دنگل کک باکسنگ کے ٹورنا منٹ کا آغاز

لاہور: (ویب ڈیسک) پنجاب انٹر ڈویڑن پاورلفٹنگ اور کک باکسنگ چیمپئن شپ کا لاہور میں آغاز ہو گیا۔ افتتاحی تقریب میں کھلاڑیوں کی پرفارمنس نے میلے کو چار چاند لگا دئیے۔نشتر پارک سپورٹس جمنیریم میں پنجاب انٹر ڈویڑن پاور لفٹنگ اور کک باکسنگ کی افتتاحی تقریب منعقد ہوئی جس کا آغاز کھلاڑیوں کے مارچ پاسٹ سے ہوا۔ کھلاڑیوں نے ملی نغموں پر پرفارم کر کے خوب داد وصول کی۔ صوبائی وزیر کھیل رائے تیمور خان اس تقریب کے مہمان خصوصی تھے۔ایونٹ میں دونوں کھیلوں کی نو، نو ٹیمیں حصہ لے رہی ہیں۔ سپورٹس بورڈ پنجاب ان کھیلوں کی میزبانی کر رہا ہے۔ وزیر کھیل کا کہنا ہے کہ اب حکومت ہر کھیل کی معاونت کرے گی۔یہ میلہ دو روز تک جاری رہے گا مگر سپورٹس بورڈ کا کہنا ہے کہ اب اچھی کارکردگی دکھانے والے کھلاڑیوں کو بہتر مواقع دئیے جائیں گے۔