تازہ تر ین

چینی مالکان کا محنتی ملازمین کے پاوں دھوکر خدمات کا اعتراف، نالائق ملازموں کو لال بیگ اور سڑک پر رینگنے کی سزا

بیجنگ:(ویب ڈیسک) چین میں کمپنی مالکان کی طرف سے ملازمین کو ہدف پورا نہ کرنے پر طرح طرح کی سزائیں دینے کی خبریں آتی رہتی ہیں لیکن اب ایک کاسمیٹک کمپنی کے دو مالکان نے اپنے بہترین ملازمین کی خدمات اور محنت کا اعتراف ان کے پاو¿ں دھوکر کیا ہے۔اس سے قبل چینی کمپنیوں نے سربراہ اپنے نالائق ملازموں کو لال بیگ کھلاتے اور سڑک پر رینگنے کی سزا دیتے رہے ہیں۔ لیکن اب صوبہ جینان سے بننے والی ایک ویڈیو وائرل ہورہی ہے۔ ویڈیو میں دو خواتین ایگزیکٹو کو دیکھا جاسکتا ہے کہ وہ بہت سے ملازمین کے جوتےاتار کر ان کے پاو¿ں دھورہی ہیں۔ یہ ویڈیو چین میں تیزی سے وائرل ہورہی ہے۔یہ واقعہ دو نومبر کو پیش آیا ہے جس میں میک اپ مصنوعات کا ہدف پورا کرنے والے ملازموں کو کرسیوں پر بیٹھے دیکھا جاسکتا ہے۔ سب سے پہلے کمپنی کی دو خواتین ایگزیکٹو اسٹیج پر ا?تی ہیں اور احترام میں جھکتی ہیں جہاں 8 ملازمین بیٹھے ہیں۔ مالکان ملازمین کے جوتے اتارتی ہیں اور پھر بڑے احترام سے ان کے پاو¿ں دھوتی ہیں۔ اس طرح ایک کے بعد ایک وہ ہر ملازم کے پیر دھلاتی ہیں۔اس تمام عمل کا مقصد ان ملازمین کا شکریہ ادا کرنا تھا جنہوں نے دن رات محنت کرکے کمپنی کو فائدہ پہنچایا۔ اس سے خود ملازمین کا مورال بھی بلند ہوا ہے۔تاہم چینی سوشل میڈیا ویب سائٹ وائبو پر اس پر تنقید کی جارہی ہے اور ایک صارف نے کہا ہے کہ کمپنی نے ملازمین کو کوئی انعام نہیں دیا صرف ان کے پاو¿ں دھوکر جان چھڑالی۔ ایک اور شخص نے اسے نچلے درجے کا شعبدہ قرار دیا ہے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved