لاہور (نذر حسین محبوب سے) خبریں کی 27ویں سالگرہ کے موقع پر رائل پام لاہور میں منعقد ہونے والا فیملی فیسٹا مسکراہٹیں بکھیرتا ہوا خوبصورت یادوں کے ساتھ اختتام پذیر ہوا۔ فیسٹا میں متعدد سرکاری اور غیرسرکاری شخصیات کے ساتھ ساتھ ملک بھر سے خبریں بیورو چیفس اور نمائندوں نے شرکت کی۔ فیسٹا میں فورڈ کوٹ بنایا گیا جس میں ہارڈیز‘ پیزا ہٹ‘ پلیٹڈ‘ گلوریہ جینز‘ میکڈونلڈ‘ می کانگ‘ طباق‘ فورک اینڈ نائف‘ چرسی تیکہ والا جمشید برانچ‘ الیاس دنبہ کڑاہی‘ پھجہ سری پائے‘ چائنہ گارڈن‘ پنڈ ریسٹورنٹ اور دیگر نامور فوڈ جینرز نے شرکت کی۔ اعلیٰ اور معیاری کھانوں کی فراہمی سے آنے والے مہمان خوب لطف اندوز ہوئے۔ میوزیکل نائٹ میں وہ رنگ جمایا کہ شائقین جوم اٹھے‘ فلم سٹار ریشم نے کمپیرنگ کی جبکہ آئمہ بیگ نے اپنی آواز کا جادو جگایا۔ ساحر علی بگا کی پرفارمنس کو بھی بے حد پذیرائی حاصل ہوئی دیگر کامیڈین اور سنگرز نے بھی شرکاءکو خوب محفوظ کیا اور فسیٹا کو یادگار بنا دیا۔ فیسٹا کی بے مثال کامیابی پر ایڈیٹر خبریں گروپ آف نیوز پیپرز و چیف ایگزیکٹو چینل ۵ امتنان شاہد نے سب ورکرز کو شاباش دی اور تعریفی اسناد کے ساتھ ساتھ خبریں کی پوری ٹیم کیلئے چرسی تکہ ریسٹورنٹ پر شاندار ڈنر کا اہتمام کیا۔ ریسورنٹ کی چھت پر سرمئی شام‘ لذیز کھانوں اور موسیقی نے ماحول کو چارچاند لگا دیئے۔ اس خوبصورت شام کو یادگار بنانے کیلئے چرسی تکہ کی انتظامیہ نے زبردست ریسیپشن دی۔ چرسی تکہ کے مالک لالہ جمشید نے خبریں ٹیم کا شاندار استقبال کیا۔
