لاہور (ویب ڈیسک) ٹیکنوموبائل کی جانب سے مہوش حیات کو برانڈ سفیر مقرر کرنے کا اعلان کر دیا گیا۔ مہوش حیات Tecno موبائل کی نئی برینڈ امبیسیڈر ہونگی۔ کمپنی کی جانب سے سوشل میڈیا پر ایک ٹیزر ویڈیو بھی جاری کی گئی ہے جس میں Camon 15 کی لانچ کی تاریح کا بھی اعلان کیا گیا ہے۔ پاکستان میں 24 مارچ کو لانچ کیا جائیگا ، جس کی لائیو کوریج پاکستان کے نامور ٹی وی چینل پر نشر ہوگی۔ مہوش حیات نہ صرف پاکستان بلکہ بین الاقوامی سطح پر بھی مقبول ہیں۔ حال ہی میں حکومت پاکستان کی جانب سے مہوش حیات کو تمغہ امتیاز سے بھی نوازہ گیا۔ صارفین 24 مارچ کو Tecno کے آفیشل فیس بک پیج پر بھی دیکھ سکتے ہیں۔ Tecno Mobile پاکستان کے جنرل مینجر Creek Ma نے اپنے نئے ماڈل کے لانچ کے ل
ئے مہوش حیات کے اشتراک کو مثبت قرار دیا ۔ ان کا کہنا ہے کہ وہ اپنے صارفین کے لئے بہترین سمارٹ فون متعارف کرانے اور عمدہ معیار کو برقرار رکھنے کے لئے پر امید ہیں۔ متعارف ہونے والا نیا سمارٹ فون کیمن 15 صارفین کے لئے شاندار فون ثابت ہوگا۔
ٹیکنوموبائل نے مہوش حیات کو برانڈ امبیسیڈر مقرر کر دیا،”کیمن 15“ 24 مارچ کو لانچ کیا جائیگا
