اسلام آباد (ویب ڈیسک)پاکستان نے کرونا وائرس کے پھیلاو¿ سے پیدا ہونیوالی صورتحال میں غیر سرکاری عالمی تنظیموں کو بغیر این او سی حکومت کے ساتھ امدادی کاموں میں حصہ لینے کی اجازت دیدی۔ ریڈیو پاکستان کے مطابق وزارت داخلہ نے کرونا وائرس کے تناظر میں حکومت پاکستان کے ساتھ کام کرنے کی خواہشمند غیر سرکاری عالمی تنظیموں (این جی اوز) کیلئے ہدایات جاری کردیں۔ پاکستانی حکومت کے ساتھ بغیر این او سی کے کام کرنے کی مشروط اجازت دیتے ہوئے وزارت داخلہ کا کہنا ہے کہ این جی اوز کو اپنے لائحہ عمل اور متعلقہ شعبوں کی نشاندہی کرنا ہوگی، ایسی تمام تنظیمیں قدرتی آفات سے نمٹنے کیلئے قومی اور صوبائی اداروں کے ساتھ کام کریں گی۔ ہدایت نامے میں یہ بھی کہا گیا ہے کہ ہنگامی صورتحال کے پیش نظر غیر سرکاری عالمی تنظیموں کو 6 ماہ تک این او سی جمع کرانے کی ضرورت نہیں ہوگی تاہم صرف حکومت کے ساتھ معاہدہ کرنیوالی تنظیموں کو ہی ان کے منصوبوں پر کام کرنے کی اجازت ہوگی۔ وزارت داخلہ کے مطابق غیر ملکی این جی اوز کو آئندہ 15 دن میں متعلقہ اداروں میں مکمل رپورٹس جمع کرانا ہوں گی۔ حکومت این جی اوز کو صرف مقررہ 8 کیٹیگریز میں کام کی اجازت دے گی اور کوئی نئی کیٹیگری بنانے کی اجازت نہیں ہوگی۔ پاکستان میں کرونا وائرس کے متاثرہ مریضوں کی تعداد 1300 سے تجاوز کر گئی، 9 افراد جاں بحق ہوچکے ہیں جبکہ 20 سے زائد مریض صحتیاب ہوکر گھروں کو جاچکے ہیں، ہزاروں افراد اب بھی ملک کے مختلف شہروں میں قائم قرنطینہ اور ا?ئسولیشن سینٹرز میں موجود ہیں، جن میں زیادہ تعداد ایران سے آنیوالے زائرین کی ہے۔
