عامرخان نے ٹوئٹر پر لکھا “میں یہ بتاتے ہوئے بہت سکون محسوس کررہا ہوں کہ امی کا کرونا ٹیسٹ منفی آیا ہے۔ نیک خواہشات اور صحت کی دعا کرنے والے تمام افراد کاشکریہ “۔
اس سے قبل اپنے بعض اسٹاف ممبران کا کرونا ٹیسٹ مثبت آنے کے بعد عامر خان نے اپنا اور فیملی کا ٹیسٹ کروایا تھا جو کہ منفی آیا تھا۔
والدہ کا ٹیسٹ کروانے سے قبل اداکار نے ٹوئٹرپر بتایا تھا کہ کرونا ٹیسٹ مثبت آنے کے بعد اسٹاف ممبران کو فوری طور پر طبی مرکز منتقل کردیا گیا ہے۔ ہم سب کا ٹیسٹ کیا منفی آیا اور اب میں والدہ کو ٹیسٹ کیلئے لے جارہا ہوں، دعا کیجیئے گا کہ وہ منفی آئے”۔
عامر اپنی اہلیہ کرن راؤ اور بیٹے کے ساتھ اپنی ممبئی والی رہائش گاہ میں قیام پزیرہیں۔ نیوز ویب سائٹ کے مطابق ان کی بیٹی ایرا خان لاک ڈاؤن کے دوران ان کے پاس گئیں اور گھر میں وقت گزارنے کی متعدد تصاویر شیئر کی تھیں۔
اداکار اور ان کی فیملی نے ڈیجیٹل فلم ” مسز سیریل کلر ” کے ورچوئل پریمیئر میں گھر سے ہی شرکت کی تھی، فلم سےعامر کی بھانجی زین میری نے اپنا ڈیبیو کیا ہے۔
