ویب ڈیسک : اداکارہ عروہ حسین آج اپنی 29ویں سالگرہ منارہی ہیں،ان کے شوہرگلوکارواداکارفرحان سعید نے اپنی نصف بہترکو بہت ہی دلکش اندازمیں سالگرہ کی مبارکباد دی۔
انسٹا پر اپنی اورعروہ کی سیاہ لباس میں کروائے گئے فوٹوشوٹ کی خوبصورت تصاویرشیئر کرتے ہوئے ہوئے لکھا “سالگرہ مبارک، تم میری زندگی میں اب تک ملنے والی سب سے بہترین شخصیت ہو۔ میری بہترین دوست، میری روح کی ساتھی اورمیری سب سے بڑی طاقت” ۔
فرحان نے عروہ کو سب سے بہترین قرار دیتے ہوئے لکھا ” تم بہترین کی مستحق ہو، اللہ تمہاری ہرخواہش پوری کرے “۔
لگتا ہے کہ سیاہ رنگ عروہ اورفرحان دونوں کا پسندیدہ ترین ہے،اس سے قبل دسمبر 2019 میں شادی کی تیسری سالگرہ پر بھی اس جوڑے سے اسی رنگ کے ملبوسات میں فوٹوشوٹ کروایا تھا جس کی تصاویر شیئر کرتے ہوئے دونوں نے ایک دوسرے کو ویڈنگ اینورسری کی مبارکباد دی تھی۔
عروہ اور فرحان سعید شادی کے بعد ایک ساتھ کیے جانے والے ڈرامہ سیریل “اڈاری” میں اپنی آن اسکرین کیمسٹری کے باعث خاصے مشہور ہوئے۔
فرحان سعید نے شادی سے ایک ماہ قبل نومبر 2016 میں عروہ حسین کو کو پیرس کے مشہور ایفل ٹاور کے سامنے رومانوی اندازمیں شادی کی پیشکش کرتے ہوئے گھٹنوں کے بل جھک کر ہیرے کی انگوٹھی پہنائی تھی جس کی تصاویر خاصی وائرل ہوئیں اور یہ جوڑا اپنی شادی تک خبروں میں نمایاں رہا۔
