تازہ تر ین

پی ایس ایل میچ فکسنگ کیس میں تین ملزمان کی ضمانت

پاکستان سپر لیگ (پی ایس ایل )میچ فکسنگ کیس میں تین ملزمان کی ضمانت منظور ہوگئی۔

تفصیلات کے مطابق سندھ ہائیکورٹ نے پاکستان سپر لیگ (پی ایس ایل)2020 میں میچ فکسنگ اور منی لانڈرنگ کے کیس میں بین الاقوامی گروہ سے تعلق رکھنے والے بکیوں میں شامل تین ملزمان کی ضمانت منظور کرلی۔

عدالت نے پی ایس ایل 2020 میں میچ فکسنگ اور منی لانڈرنگ کے مقدمے  میں بین الاقوامی گروہ سے تعلق رکھنے والے بکیوں میں شامل تین ملزمان کو جیل سے ضمانت پر رہا کرنے کا حکم دے دیا۔

عدالت  نے تینوں ملزمان کو 5،5 لاکھ روپے کے مچلکے جمع کرانے کا حکم دیا  ہے۔

عدالت نے اپنے حکم  میں مزید کہا ہے کہ ملزمان اگر ضمانت کا غلط استعمال کریں تو ٹرائل کورٹ ملزمان کی ضمانت منسوخ کرسکتی ہے۔ ماتحت عدالت تین ماہ میں کیس نمٹائے ۔

واضح رہے کہ پی ایس ایل میچ فکسنگ  کیس   میں فیصل عرف چٹا سمیت 13 ملزمان پر فرد جرم عائد ہوچکی ہے ۔

دبئی اور بین الاقوامی بکیوں کے گروہ نے پاکستان کی بدنامی کا پلان بنایا تھا ۔پی ایس ایل 2020 میں بکیوں نے ایک کرکٹر سے بھی رابطہ کیا تھا ۔

ایف آئی اے نے ملزمان  کو گرفتار کرکے قبضے سے موبائل فونز اور اہم شواہد حاصل کیے تھے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain