تازہ تر ین

عمران خان خود مان گئے کہ وہ پہلے نقلی وزیراعظم تھے: وزیر اعلیٰ سندھ

کراچی: وزیراعلیٰ سندھ سید مراد علی شاہ نے کہا ہے کہ وزیر اعظم نے خود کہا کہ اب اصلی وزیراعظم سامنے آئے گا یعنی وہ خود مان گئے پہلے نقلی وزیراعظم تھے۔

کراچی میں پریس کانفرنس کرتے ہوئے وزیر اعلیٰ مراد علی شاہ نے کہا کہ سندھ کے عوام فیصلہ سنا چکے ہیں ، حکومت کے پاس گھر جانے کے سوا کوئی چارہ نہیں، وزیر اعلیٰ کا کہنا تھا کہ وزیراعظم نے کہا اب کیسز تیزی سے چلیں گے۔ کیا وہ عدلیہ پر الزام لگا رہے ہیں؟ عدلیہ کو وزیراعظم کے بیان کا نوٹس لینا چاہیے۔ وزیراعظم نے عدلیہ پر الزام عائد کر دیا کہ میں تیزی سے کام کراؤں گا۔ان کا کہنا تھا کہ جزائر پر آرڈیننس غیر آئینی ہے. سندھ کابینہ نے آرڈیننس واپس لینے کے لیے وفاق کو خط بھی لکھا ہے۔ صوبے کے لوگ اپنی زمین پر قبضہ نہیں ہونے دیں گے۔

انہوں نے کہا کہ وزیراعظم اندر سے گھبرائے اور بوکھلاہٹ کا شکار ہیں۔ انہوں نے خود کہا کہ اب اصلی وزیراعظم سامنے آئے گا۔ وہ خود مان گئے پہلے نقلی وزیراعظم تھے۔ملک کی معاشی صورتحال اور اشیائے ضروریہ کی بڑھتی قیمتوں پر بات کرتے ہوئے ان کا کہنا تھا کہ موجودہ بے حس حکومت نے مہنگائی کا طوفان برپا کیا ہے۔ عوام پس کر رہ گئی ہے۔ پاکستان کے عوام ظلم اور مہنگائی کو مزید برداشت نہیں کریں گے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain