پاکستان پیپلز پارٹی کے چیئرمین بلاول بھٹو زرداری اور پاکستان مسلم لیگ ن کی نائب صدر مریم نواز کی ملاقات کی اندرونی کہانی سامنے آ گئی۔
ذرائع کے مطابق بے نظیر بھٹو کی برسی کے موقع پر جلسے میں شرکت کے لیے ن لیگ کی نائب صدر مریم نواز گڑھی خدا بخش آئی تھیں، پیرکو مریم نواز نے پی پی رہنمائوں کے مزارت پر حاضری بھی دی اور بلاول بھٹو کے ساتھ ان کی اہم ملاقات کی۔
ملاقات میں دونوں رہنمائوں کے درمیان متعدد نکات پر اتفاق رائے ہوا، انھوں نے اتفاق کیا کہ ن لیگ اور پیپلز پارٹی ایک دوسرے کے خلاف محاذ آرائی نہیں کریں گی۔بلاول اور مریم نواز اس بات پر بھی اتفاق کیا کہ انتخابی میدان خالی نہیں چھوڑا جائے گا، ن لیگ اور پی پی ضمنی انتخابات میں حصہ لے گی، تاہم ضمنی انتخاب سے متعلق حتمی فیصلہ پی ڈی ایم اجلاس میں ہوگا۔
