اسلام آباد(ویب ڈیسک) وزیرِ صحت ڈاکٹر ظفر مرزا نے پاکستان میں موجود کورونا کے مریضوں کے حوالے سے تشویشناک خبر دیتے ہوئے بتایا ہے کہ پاکستان میں کورونا کے زیادہ تر مریضوں کی عمریں 21 سے 30 سال کے درمیان ہیں۔ انہوں نے بتایا ہے کہ کورونا مریضوں میں 64 فیصد مرد اور 26 فیصد خواتین شامل ہیں جبکہ پاکستان میں 93 فیصد مریض بیرونِ ممالک سے آئے ہیں۔ ڈاکٹر ظفر مرزا نے کہا ہے کہ وائرس سے 8 افراد جاں بحق ہوکے ہیں جبکہ 21 تاثرہ افراد صحت یاب ہوچکے ہیں۔ انہوں نت کہا ہے کہ سندھ میں 413، پنجاب میں 310، بلوچستان میں 117 اور کے پی کےمیں 80، گلگت بلتستان میں81 ،اسلام آباد میں 20 ،آزاد کشمیر میں ایک مریض کی تصدیق ہوئی ہے۔ انہوں نے کہا کہ چین سے 5 لاکھ این95 ماسک موصول ہوگئے ہیں۔ واضح رہے کہ پاکستان میں کورونا وائرس کی وجہ سے ہلاک ہونے والے افراد کی تعداد 8 ہو گئی ہے جبکہ 1 ہزار سے زیادہ افراد اس کی وجہ سے متاثر ہو چکے ہیں۔ حکومت پاکستان کی جانب سے ہر ممکن کوشش کی جا رہی ہے کہ کسی طرح کورونا وائرس کو مزید پھیلنے سے روکا جا سکے لیکن اس میں ابھی تک کسی قسم کی کوئی کامیابی سامنے نہیں ا?ئی۔ اسی وجہ سے ملک کے چاروں صوبوں میںمکمل لاک ڈاﺅن کر دیاگیا تھا جس کے بعد حکومت کی جانب سے ملک بھر میں فوج تعینات کر دی گئی تھی تا کہ لوگوں کو گھروں سے باہر نہ نکلنے دیا جا سکے۔ حکام کی جانب سے مزید کہا گیا ہے کہ لوگوں کو ہمارے ساتھ تعاون کرنا ہو گا ورنہ اگر حالات مزید سنجیدہ ہو گئےتو ہمیں کرفیو کی جانب بھی جانا ہو گا۔مکمل لاک ڈاو?ں کے بعد بھی دیکھا گیا ہے کہ اکثر افراداس کی خلاف ورزی کرتے ہوئے نظر ا?ئیں ہیں جس کے بعد ان کے خلاف مقدمات درج کر کے گرفتاریاں عمل میں لائی گئی تھیں۔

گلگت (ویب ڈیسک) اندرون ملک تمام پروازیں بند، صرف ایک علاقے کیلئے پروازیں جاری رکھنے کی اجازت دے دی گئی، زمینی راستوں کی دشواری کے باعث پی آئی اے کو گلگت اور اسکردو کیلئے پروازیں جاری رکھنے کی اجازت دے دی گئی۔ تفصیلات کے مطابق ملک میں اندرونی فلائٹ آپریشن بند کر دیا گیا ہے، تاہم سول ایوی ایشن اتھارٹی نے پاکستان ائیر لائن کو گلگت اوراسکردو کیلئے پروازیں چلانے کی خصوصی اجازت دے دی ہے۔ اس حوالے سے سول ایوی ایشن اتھارٹی نے باقاعدہ نوٹم بھی جاری کردیا ہے۔ پی آئی اے کی اسلام آباد سے گلگت اوراسکردو کیلئے معمول کے مطابق پروازیں جاری رہیں گی۔ بتایا گیا ہے کہ موسم کی خرابی کے باعث گلگت بلتستان سے زمینی رابطہ برقرار رکھنا مشکل ہے، اسی لیے فضائی رابطہ برقرار رکھنے کا فیصلہ کیا گیا ہے۔ واضح رہے کہ حکومت پاکستان نے اندرونِ ملک تمام پروازیں معطل کردی ہیں تمام پروازیں 26 مارچ صبح 6 بجے سے 2اپریل صبح 6 بجے تک معطل رہیں گی۔ ایوی ایشن ڈویڑن کے مطابق اس دوران ہرقسم کی چارٹرڈ فلائٹ اور نجی مسافر طیاروں پر بھی پابندی ہوگی البتہ کارگو اور خصوصی پروازوں پر پابندی کا اطلاق نہیں ہوگا۔ جبکہ یہ بھی واضح رہے کہ حکومت پاکستان سے بیرون ممالک کیلئے فلائٹ آپریشن پہلے ہی مکمل طور پر بند کیا جا چکا ہے۔ یہ اقدامات کرونا وائرس کی روک تھام کیلئے اٹھائے گئے ہیں۔ جبکہ بیرون مملک میں پھنسے پاکستانیوں کو واپس لانے کی کوششیں بھی کی جا رہی ہیں۔

اسلام آباد (ویب ڈیسک) ملک کے تمام سرکاری ملازمین اور پنشنرز کو فوری تنخواہیں اور پنشن دینے کا فیصلہ، وزارت خزانہ نے احکامات جاری کر دیے، تنخواہوں اور پنشن کی ادائیگی 27 مارچ بروز جمعہ تک کر دی جائے گی۔ تفصیلات کے مطابق وزارت خزانہ نے ملک بھر میں کر دیے جانے والے لاک ڈاون کے پیش نظر سرکاری ملازمین کو تنخواہیں اور پنشن فوری ادا کرنے کا فیصلہ کیا ہے۔ اس حوالے سے وزارت خزانہ نے باقاعدہ احکامات جاری کر دیے ہیں۔ بتایا گیا ہے کہ سرکاری ملازمین اور پنشنز کو 27 مارچ بروز جمعہ تک تنخواہوں اور پنشن کی ادائیگی کر دی جائے گی۔ دوسری جانب عوام کیلئے ریلیف پیکج کے حوالے سے وزیراعظم کے مشیر خزانہ ڈاکٹر عبدالحفیظ شیخ نے کہا ہے کہ عوام کیلئے معاشی پیکیج کا کل حجم سوا کھرب روپے ہے، ایک کروڑ 20 لاکھ خاندانوں کو مالی امداد دی جائے گی، مستحق خاندانوں کو چار ماہ تک تین ہزار روپے ماہانہ دیئے جائیں گے، کھاد کی قیمتوں میں مزید کمی کی جائے گی، کسانوں سے 280 ارب روپے مالیت کی 82 لاکھ ٹن گندم خریدی جائے گی۔ کورونا وائرس سے پہلے ہماری معیشت خاصی مستحکم ہو رہی تھی، وباءکے باعث دنیا بھر کی طرح پاکستانی معیشت پر بھی برے اثرات مرتب ہوں گے، آنے والے چند ماہ ہماری برآمدات اور بیرون ملک ترسیلات میں کمی آئے گی۔ مشیر خزانہ نے کہا کہ معاشی پیکیج کا کل حجم سوا کھرب روپے ہے، مزدوروں اور محنت کشوں کیلئے 200 ارب روپے رکھے ہیں، یہ فنڈز وفاق کی جانب سے صوبوں کی مشاورت سے تقسیم کئے جائیں گے، برآمد کنندگان کو فوری طور پر 100 ارب کے ٹیکس ریفنڈز دیئے جائیں گے۔ زرعی شعبہ کی ترقی کیلئے سو ارب روپے خرچ ہوں گے، کھاد کی قیمت میں مزید کمی کی جائے گی۔ ایک کروڑ 20 لاکھ خاندانوں کو مالی امداد دی جائے گی، ابھی ملک بھر میں 50 لاکھ خاندانوں کو مالی امداد دی جا رہی ہے۔ اس کے علاوہ انہوں یوٹیلیٹی سٹورز کے ذریعے سستی اشیاءکی فراہمی 50 ارب روپے فراہم کئے جائیں گے۔

لاہور (ویب ڈیسک) ایران سے آنے والے 600 سے زائد زائرین کو 14دن قرنطینہ میں رکھنے کے بعد گھروں کو بھیج دیا گیا ہے۔ وزیراعلیٰ پنجاب عثمان بزدار نے بتایا کہ ڈیرہ غازی خان میں جن 800افراد کو قرنطینہ میں رکھا گیا تھا، ان میں سے 600 کے ٹیسٹ منفی آئے ہیں اور ہماری انتظامیہ انہیں گھر واپس پہنچا کر آئے گی۔ اس حوالے سے صوبائی وزیر صحت پنجاب ڈاکٹر یاسمین راشد نے بتایا ہے کہ 600 سے زائد زائرین کے کورونا ٹیسٹ نیگیٹو آئے جن کو گھر بھیج دیا گیا ہے تاہم ان پر نظر رکھی جائے گی۔ انہوں نے اہنے تویٹر پیغام میں کہا کہ ”الحمداللہ“ 600 سے زائد زائرین کو 14دن قرنطینہ میں رکھنے کے بعد گھروں کو بھیج دیا گیا ہے، ان زائرین کے کورونا ٹیسٹ نیگیٹو آئے تھے تاہم ان پر نظر رکھی جائے گی۔ دوسری جانب پاکستان میں کورونا وائرس کی ایک اور مریضہ ہلاک دم توڑ گئی ہے، خاتون برطانیہ سے واپس آئی تھی جس کے بعد اس میں کورونا وائرس کی تصدیق ہو نے کے بعد ہسپتال منتقل کر دیاگیا تھا لیکن وہ جان کی بازی ہار گئی۔ ہسپتال ذرائع کا کہنا ہے کہ میت کوہسپتال سے اس سے گھر منتقل کر دیا گیا ہے جہاں سادگی سے اس کا جنازہ ادا کر کے تدفین کا عمل کیا جائے گا۔ خاتون کا تعلق سوہاوہ سے بتایا جا رہا ہے جہاں اس کی میت کو منتقل کیاگیا ہے۔ یاد رہے کہ کورونا وائرس کے خطرات کی وجہ سے با جماعت نماز جنازہ ادا رکرنے پر پابندی لگا دی گئی ہے جس کے بعد اہلیان خانہ کو ہدایت کی گئی ہے کہ وہ سادگی سے چند افراد کی موجودگی میں حکومت کےبتائے طریقے کے مطابق نمازجنازہ ادا کریں۔اس خاتون کی ہلاکت کے بعد پاکستان میں کورونا وائرس کی وجہ سے ہلاک ہونے والے افراد کی تعداد 8 ہو گئے ہے جبکہ 1 ہزار سے زیادہ افراد اس کی وجہ سے متاثر ہو چکے ہیں۔

کراچی (ویب ڈیسک) پاکستان میں ماہ شعبان کا چاند نظر آگیا، یکم شعبان 1441ہجری 26 مارچ بروز جمعرات کو ہوگی، شب برات 8 اور 9 اپریل کی درمیانی شب کو ہوگی۔ تفصیلات کے مطابق ملک میں ماہ شعبان کا چاند دیکھنے کیلئے مرکزی رویت ہلال کمیٹی کا اجلاس کراچی میں ہوا۔ اجلاس کی صدارت مفتی منیب الرحمان نے کی، جبکہ ملک بھر کی زونل رویت ہلال کمیٹیوں کے نمائندے بھی بذریعہ آن لائن اجلاس کا حصہ تھے۔ اجلاس کے اختتام پر مفتی منیب الرحمان نے اعلان کیا کہ ملک میں ماہ شعبان کا چاند نظر آگیا ہے، یوں ملک میں شعبان 1441ہجری کے ماہ کا آغاز 26 مارچ بروز جمعرات کو ہوگا۔ جبکہ ملک بھر میں شب برات 8 اور 9 اپریل یعنی بدھ اور جمعرات کی درمیانی شب کو ہو گی۔ ملک میں ماہ شعبان کے آغاز کے بعد اب ماہ رمضان کے آغاز میں صرف ایک ماہ کا وقت باقی رہ گیا ہے۔ پاکستان میں رمضان المبارک کا آغاز ممکنہ طور پر 24 یا 25 اپریل کو ہوگا۔