تازہ تر ین

اپوزیشن جان لے بیان بازی سے عوام کی خدمت نہیں ہوسکتی، وزیراعلی پنجاب

وزیر اعلی پنجاب نے کہا ہے کہ عوام کوریلیف دینے کے ہرممکن اقدام کریں گے، اپوزیشن جان لے بیان بازی سے عوام کی خدمت نہیں ہوسکتی۔

، تفصیلات کے مطابق وزیر اعلی پنجاب عثمان بزدار سے سینئر صوبائی وزیر عبدالعلیم خان نے ملاقات کی، ملاقات میں گندم، آٹے کے اسٹاک و قیمتوں اور سیاسی صورتحال پر تبادلہ خیال کیا گیا

ذرائع کے مطابق عبدالعلیم خان نے وزیراعلی پنجاب کوگندم صورتحال اورمحکمے کی کارکردگی سے آگاہ کیا۔

وزیراعلی پنجاب نے ننے گندم و آٹے کے اسٹاک و نرخوں پراطمینان کااظہار کرتے ہوئے کہا پنجاب واحدصوبہ ہے جہاں 20کلو آٹےکاتھیلا مقرر ہ نرخوں پردستیاب ہے ،اپوزیشن کامنفی کردارافسوسناک ہے، اپوزیشن جان لے بیان بازی سے عوام کی خدمت نہیں ہوسکتی۔

حکومت کےبروقت فیصلوں سےآٹے کی قیمتوں میں استحکام آیا۔

عثمان بزدار کا کہنا تھا کہ عوام کوریلیف دینے کے ہرممکن اقدام کریں گے، عوام کوریلیف دیناہماری مشترکہ ذمہ داری ہےاورفرض بھی، کسی کوصوبے کے عوام کا استحصال نہیں کرنے دوں گا۔

اپوزیشن کے حوالے سے وزیر اعلی پنجاب نے کہا کہ اپوزیشن صرف ذاتی مفادات کا تحفظ چاہتی ہے، پی ڈی ایم مسترد اورمایوس عناصر کا غیرفطری اتحاد ہے، اپوزیشن جماعتوں نے قومی مفادات کویکسر فراموش کیا، قوم کا پیسہ لوٹنے والے عوام کوگمراہ نہیں کر سکتے۔

عوام باشعور اورکرپٹ چہروں سے اچھی طرح واقف ہیں۔

ان کا مزید کہنا تھا کہ اپوزیشن کامنفی کردارافسوسناک ہے، اپوزیشن جان لے بیان بازی سے عوام کی خدمت نہیں ہوسکتی۔

صوبائی وزیر عبدالعلیم خان نے کہا ہمارے اقدامات سے صوبے میں آٹے کی قیمت مستحکم ہوئی ، محکمہ خوراک آٹےکی مناسب فراہمی ہر قیمت پریقینی بنا رہاہے۔

عبدالعلیم خان نے مزید کہا پی ڈی ایم کی منفی سیاست دفن ہو چکی ہے، اپوزیشن کے پاس کوئی ایجنڈا ہے نہ پروگرام ، ٹولے کو انتشار کی سیاست سے توبہ کر لینی چاہیے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved