وزیراعظم نے وفاقی وزراء کی اضافی سیکیورٹی واپس لینے کی ہدایت کردی۔
تفصیلات کے مطابق وزیراعظم عمران خان کی سربراہی میں سینیٹ انتخابات پر پارلیمانی بورڈ کا اجلاس شروع ہو گیا ہے۔
ذرائع کے مطابق کابینہ اجلاس کے بعد سینیٹ انتخابات پر پارلیمانی بورڈ کا اجلاس جاری ہے، جس کی صدارت وزیر اعظم عمران خان کررہے ہیں۔
اجلاس میں پارلیمانی بورڈ کے ممبران بھی شریک ہیں، سینیٹ انتخابات کےلئے ٹکٹوں کی تقسیم پرمشاورت ہوگی۔
ذرائع کے مطابق وزیراعظم نے اسلام آباد میں خطرناک ٹریفک حادثہ کا نوٹس لیتے ہوئے، واقعے کی رپورٹ طلب کرلی۔
اس موقع پروزیراعظم نے وفاقی وزراء کی اضافی سیکیورٹی بھی واپس لینے کی ہدایت کردی۔
ذرائع کے مطابق وزیراعظم نے کہاکہ وزراء اور دیگر پولیس کے سکواڈز لے کر گھومتے ہیں ، مجھے بتایا جائے کس کس کے پاس کتنی سیکیورٹی ہے۔
