تازہ تر ین

ڈاکٹر طاہرالقادری کی ہدایت پر منہاج القرآن کے وفد کی امتنان شاہد سے تعزیت وفد میں خرم نواز گنڈا پور، ڈاکٹر سید آصف اکبر، نوراللہ صدیقی اور حفیظ چودھری شامل تھے ضیاءشاہد نے صحافت کو جو عوامی رنگ دیا وہ قوم کو ہمیشہ یاد رہے گا، خرم نواز گنڈاپور

لاہور (خبریں، چینل۵ ویب ڈیسک) ڈاکٹر طاہرالقادری کی ہدایت پر منہاج القرآن کے وفد نے گزشتہ روز چیف ایڈیٹر خبریں امتنان شاہد سے ان کے دفتر میں ملاقات کی بانی خبریں گروپ ضیاءشاہد کی وفات پر اظہار تعزیت کیا۔ اس موقعہ پر سیکرٹری جنرل پاکستان عوامی تحریک خرم نواز گنڈاپور نے شاندار الفاظ میں بانی خبریں گروپ کی صحافتی خدمات کو خراج تحسین پیش کیا اور کہا ضیاءشاہد پاکستان میں صحافت کے بہت بڑے مقام پر تھے انہوں نے صحافت میں عوامی رنگ دینے میں جو کردار ادا کیا وہ بہت لمبے عرصے تک یاد رکھا جائے گا۔ ان کا صحافتی انداز بہت کمال تھا شاید ہی کوئی اور اپنا سکے اللہ پاک اگل جہان میں ان کے لئے آسانیاں پیدا کرے۔ ہماری دعائیں اور نیک تمنائیں ہمیشہ خبریں گروپ کے ساتھ ہیں اور امید ہے کہ یہ گروپ چیف ایڈیٹر امتنان شاہد کی سربراہی میں ترقی اور کمال کی نئی منزلیں حاصل کرے گا۔ وفد میں سیکرٹری جنرل پاکستان عوامی تحریک خرم نواز گنڈاپور،ناظم اعلیٰ نظام المدارس ڈاکٹر میر آصف اکبر، مرکزی سیکرٹری اطلاعات نوراللہ صدیقی اور ڈپٹی سیکرٹری عبدالحفیظ چوہدری شامل تھے اس موقعہ پر مرحوم کے ایصال ثواب کے لیے مغفرت کی دعا بھی کرائی گئی۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved